InfoHub Logo

Qanshama arman, qanshama eńbek taptalǵan bul soǵys dúbiri talaıdyń gúl ǵumyryn soldyryp, bozbalanyń bolashaǵyn oırandady. Úkilegen uldarynan aıyrdy. Shyryldaǵan shaqalaqtyń ashshy daýysy taý men tasty kúńirentti. Sheginerge jol joq, sebebi babalar qaldyrǵan jerdi urpaqqa qaz qalpynda qaldyrý solardyń qolynda boldy. Osylaısha armany asqaq jas býyn maıdanǵa attandy. Urys dalasy qushaq jaıa qarsy almady. Kóz aldynda el úshin dep qolyńdy qanǵa boıaý, túngi barlaý, kúzetý, tabıǵattyń qatal mezgiline tózý, bolashaǵyńnyń bulyńǵyr ekenin bilý úlken shydamdylyqty talap etti. Shynydaı shashylǵan, qamyrdaı ılengen bombanyń oǵy jaýǵan dala tozaq otynan kem túspedi. Sabazdar taısalmaı, meıirimge toly júregi tasqa aınaldy.

Tarıhta tanymal «ALJIR» degen stalındik GÝLAG-tiń lagerinde 20 myńnan astam áıel azap shekti. Otanǵa satqyndyq jasaǵan «halyq jaýlarynyń» áıelderi Aqmoladaǵy osy lagerde otyrdy. «Halyq jaýynyń» áıelin, anasyn, qyzyn, qaryndasyn - osy qorqynyshty jerde jınap, olardyń ómirin tozaqqa aınaldyrdy.

Boıynan batyrlyqtyń ıisi burqyraǵan, qazaq sarbazdary Ýkraına jerinde «Vasá aǵaı» atalǵan jerlesimiz Halyq Qaharmany Qasym Qaısenov erligi; Reıhstag tóbesine tý tikken serjanttar Egorov pen Kanjarıa qataryndaǵy jas qazaq Raqymjan Qoshqarbaev erligi; 16 aı boıy táýligine 150 gram nandy azyq etken Lenıngradtyqtar erligi; aıta bersem , túbi kórinbeıtin, dálirek aıtsam, osy soǵys jyldary erligi úshin orden jáne medaldarmen marapattalǵandardyń ishinde 96 myń 938 qazaq jaýyngeriniń onyń ishinde Keńes Odaǵynyń Batyry atanǵan 97 qazaqtyń erligi – elge uran, urpaqqa úlgi emes pe!

Bul soǵys tek jaýyngerlermen aıaqtalmaıdy, tyl qyzmetkerleriniń qyzmeti jeńistiń ólsheýsiz jemisi. Boıyndaǵy náziktikti joǵaltqan qazaq qyzdary eki qolǵa kúrek alyp, birneshe tehnıkalardy ıgerip, qıyndyqpen erlershe alysty, tózdi. Sol bes jyldyq kól-kósir jaspen, jazyqsyz tógilgen qanmen este qaldy.

Er esimi el esinde. Kir jýyp, kindik kesken jeri úshin, aıalap álpeshtep ósirgen eli úshin  janǵan otqa túsip, jalyn keshken er-azamattar esten shyqpaıdy. Olar tarıhta iz qaldyrdy. Sodan beri 76 jyl ótti. Sol otty kúnder qaıtyp kelmesin. Qater tónbesin!

Mine, uly jeńiske 76 - jyl, ardagerler azaıdy. Erlikteri el jadynda. Bir ókinishtisi, dúnıejúzin dúrbeleńge salǵan SOVID-19 keseliniń kesirinen, jyl saıynǵy ádetpen erlikke taǵyzym kórsetip, is- sharalar qoıa almaımyz. Talaı qıly ker zamandy, ashtyqty, soǵysty bastan ótkergen qazaq buny da jeńip, áli- aq jeńis toıyn toılaımyz.

---