InfoHub Logo

Byltyr NASA 60 jyldyǵyn atap ótti, al bıyl aıǵa alǵash qadam basqandaryna 50 jyl tolǵanyn toılamaq, bul týraly CNN habarlaıdy.

Osy onjyldyqtar eńbegin kórsetetin — NASA jarıalaǵan sýretter. Bıyl «NASA beıneqory: ǵaryshta 60 jyl» kitaby jaryqqa shyqty, onda 400-den astam ǵaryshta túsirilgen eń úzdik sýretter jarıalanǵan.

Kitap avtorlarynyń biri Pırs Bızonı «Sýretke túsirý eń basty mısıa emes, árıne. Eń alǵash adammen birge ushqan kapsýla «Merkýrııda», tipti, tereze de bolmaǵan. Al keıin ǵaryshtyń beınesin kartochkaǵa túsirý bastaldy. Astronavtar Hasselblad kamerasymen birge ushatyn boldy» deıdi.

Basylymnyń jazýynsha, aıǵa alǵash ret «Apolon-11» qonǵan kezde de dál osy Hasselblad shved kamerasymen tarıhı sýretter túsirilgen. Onyń alǵashqysy — Nıl Armstrongtyń aıdaǵy sýreti, ekinshisi — Bazz Oldrınniń aıǵa aıaq basqany.

Al 1990 jyldan bastap «Habbl» ǵarysh teleskopy sýretterdi túsirgen. 2021 jyly Djeıms Ýebb teleskopy shyǵarylady. «Ol Jer ǵalamsharynan óte alys qashyqtyqty túsire alady, biraq bul teleskoppen jumys isteı alatyn kásibı mamandar az», — dedi Bızonı.

Dál osy 60 jylda túsirilgen birneshe tarıhı sýretke zer salaıyq:

---