Shymkenttik oqýshy álemde balamasy joq qubyr tazalaıtyn robot jasap shyǵardy
Shymkent qalasy fızıka-matematıka baǵytyndaǵy Nazarbaev Zıatkerlik mektebiniń 12-synyp oqýshysy Qýanysh Máden ózi jasaǵan «Qubyr tazalaýshy robot» jobasyn patenttep aldy. Bul - onyń 2 jyldyq eńbegi, dep habarlaıdy mekteptiń baspasóz qyzmeti.
Ol 2017 jyly arnaıy tehnıkalyq referat jasap, robottyń formýlasy men shemalaryn quryp, qujattaryn Ulttyq zıatkerlik menshik ınstıtýtyna tapsyrǵan. Al bıylǵy jyldyń tamyz aıynda Qýanyshqa jobasynyń patenttelgeni jaıly qýanyshty habar jetti. Eń qyzyǵy, jas ónertapqyshqa qubyr tazalaıtyn robotty jasaý ıdeıasy sabaqqa keshikken kezde kelgen.
«Shynymen, qubyr tazalaıtyn robotty qurastyrý ıdeıasy maǵan kenetten keldi. 7-synypta ǵoı, mektepke bara jatqanmyn. Bári ádettegideı, úırenshikti qalypta edi. Biraq dál sol kúni kólik keptelisine tap bolyp, sabaqqa keshigip qaldym. Onyń sebebi - qalamyzdyń bas kóshesi Qonaev dańǵylynda qubyr jarylǵan edi. Sol ýaqytta osy jobamdy qolǵa alý ıdeıasy týyndady»,-deıdi Qýanysh.
Ony júzege asyrý úshin jas ónertapqysh eki jyl boıy robototehnıka úıirmesinde tynbaı eńbektendi. Jobasyn ol bólshektep jınady. Sońynda Qýanysh dittegen maqsatyna jetip, jumysynyń jemisin kórdi. Búginde onyń robotyn kúlli Qazaqstan biledi. Tipti, sheteldikter de qubyr tazalaǵysh robotty tanıdy. «Jobamdy qazir kóbi biledi. Sebebi men biraz jarystarǵa qatystym. Bul jumysym maǵan respýblıkalyk «3.2.1. START» baıqaýynda 1 oryn jáne 1 mln teńge kóleminde qarjylaı syıaqy, 60 memlekettiń arasynda ótken halyqaralyq CASTIC-2019 jarysynda ınjenerlik ǵylymdar sanatynda 2-oryn alyp berdi.»,-dedi jas ǵalym.
2017 jyly «Jas ónertapqysh» nomınasıasyn ıelengen Qýanysh aldaǵy ýaqytta ámbebap qubyr tazalaǵysh robotyn óndiriske engizip, qazaqstandyqtarǵa paıdasyn tıgizse dep armandaıdy. Ol úshin jasóspirimge qarajat qajet. Mundaı bir qurylǵyny jasap shyǵarý úshin shamamen 3-4 mln teńge ketedi.
You Might Also Like
-
Bir jigit burynǵy zamanda sýǵa qarmaq salyp júrdi. Qarmaq salyp júrgende kúninde bir balyqtan artyq túspeıdi. Bir kúni qarmaǵyn saldy, eki balyq tústi. «E, Qudaı-aı!», — dedi. Kún...
-
Burynǵy zamanda bir qatynnyń bir qyzy bar edi. Ol qyzdyń aty Marjan edi. Bir ýaqytta Marjan kórshileriniń qyzdary men sýǵa túsýge ketken, barlyq qyzdar kıimderin, kóılekterin sheship sýǵa túsedi, bul ...
