InfoHub Logo

Ár kúnińizdi jańa nárse úırenýge múmkindik dep bilińiz.

Sandıp Kasháp

Jeke kásipker, qamsyzdandyrý baǵdarlamasymen aınalysatyn ProofHub kompanıasynyń basshysy

 

Mansap jolynda Sandıp Kasháp (Sandeep Kashyap) kóptegen mamandyq aýystyrdy. Ol dızaıner, baǵdarlamashy, marketolog,  tipti isten shyqqan  jeldetkishterdi jóndeýshi boldy. Qazirgi tańda ProofHub kompanıasyn basqarady. Onyń sózine qaraǵanda, ómirindegi  jalǵyz turaqty shama – ózgeris edi. Sandıp jaqsy basshynyń nelikten ózin jetildirip otyrýy mańyzdy ekenin atap ótti.

Álemge basqasha qaraýdy úıretedi

Ómirde bári ózgerip turady. Eger osyny jete túsinip, ózińdi ózgertseń, ómirge degen kózqarasyń da basqasha bolady. Yntańyz artyp, úlken belesterdi baǵyndyrýǵa jeteleıdi. Kez kelgen kóshbasshy, tipti qarapaıym adam da osyǵan umtylatyny anyq. Ómirińizdi shań baspasyn deseńiz, ózgerińiz!

Ońtaıly baǵyt beredi

Eger ómirge tek bir jaq qyrynan qaraıtyndardan bolsańyz, sharasyz túrde, tek teris oıda qalatynyńyz anyq. Ashyq bolyńyz. Jumysyńyz josparǵa saı júrmese de ár kúnnen jańa múmkindik pen úmit otyn izdeńiz. Bul alǵa jyljýǵa, komandańyzdy yntalandyrýǵa kúsh pen qulshynys beredi.

Shekteý sheńberinen shyǵýǵa shabyttandyrady

Shekteýdiń bárin ózimizge ózimiz qoıamyz. Kúndelikti qaıtalanatyn birsaryndy jumyspen keremet nátıjege qol jetkize almaısyz. Sheńberden shyǵyńyz, ózgerińiz, kemeldenińiz, sonda jańa múmkindikter men kúsh-qýatyńyz paıda bolady.

Siz tek tulǵa retinde ǵana emes, tobyńyzdy da órkendep, ósýine  shabyttandyrasyz. Bul kóshbasshyny úzdik etedi.

Zerigýge jol bermeıdi

Siz qaı salada jumys isteseńiz de, isińizdi qanshalyqty súıip tursańyz da, ýaqyt óte birsaryndy jumys zeriktiredi. Zerigý - birsaryndy oılaýdan týady.

Ózińizdi qamshylap, jańǵyrtyp otyryńyz. Sonda jańa oılar keledi.

Ósýge kómektesedi

Jaqsy kóshbasshy ósýdi boljaı alýmen jáne osy ósý kezinde komandasyn saqtap qalýymen anyqtalady. Mundaı kóshbasshy bolý úshin jańalyq engizýge daǵdylanyp, kúndelikti bıikke qaraı qol sermeý kerek. Áıtpese, ortasha deńgeıdegi basshy bolyp, myqtylar qatarynan qalys qalasyz. Eger rasymen ózgeris engize alatyn úzdik basshy bolǵyńyz kelse, kúndelikti damyp, ósip otyryńyz.

---