InfoHub Logo

​Naýryz UBT-syn 111 myńǵa jýyq talapker tapsyrdy. Onyń ishinde túlekterdiń 75%-y qazaq tilinde, 25%-y orys tilinde, 141 adam aǵylshyn tilinde testileýden ótti.

Ǵylym jáne joǵary bilim mınıstrliginiń málimetinshe, UBT bastalǵaly shekti baldy 78%-ǵa jýyq nemese 86 myń talapker jınap, 22%-y shekti bal jınaı almady.

UBT ortasha baly 70 baldy qurady, ótken jylmen salystyrǵanda bul kórsetkish 1 balǵa joǵary. Eń joǵary bal – 136.

​«Naýryz UBT-sy 10-31 naýryz aralyǵynda ótti. Jalpy, naýryzdaǵy Ulttyq biryńǵaı testileýge 111 myńǵa jýyq adam qatysty, ótken jylmen salystyrǵanda 8 myńǵa artyq. Ádettegideı, testilenýshilerdiń eń kóp tańdaǵan kombınasıalary - «Matematıka-Fızıka» (19%) jáne «Bıologıa-Hımıa» (19%). IT baǵyttarǵa túsýge qajetti jańa «Matematıka-Informatıka» kombınasıasyn UBT-ǵa qatysýshylardyń 11%-y tapsyrǵan. Testileý shtatty rejımde ótti», – dep atap ótti Ulttyq testileý ortalyǵynyń dırektory Rýslan Emelbaev.

​Aıta ketý kerek, erekshe bilim berý qajettilikteri bar balalar úshin testileýge qosymsha 40 mınýt bólindi, qajet bolǵan jaǵdaıda olarǵa kómekshi beriledi. Sonymen qatar olar úshin syzba jáne dıagramlarsyz suraqtar jasaldy. Qabyldanǵan sharalar arqasynda erekshe bilim berý qajettilikteri bar 237 bala UBT tapsyrdy.

​85 talapker smartfon, shpargalka jáne basqa da tyıym salynǵan zattardy alyp ótý áreketi saldarynan test tapsyrý múmkindiginen aıyryldy. Testileý kezinde erejelerdi buzǵany úshin aýdıtorıadan 109 adam shyǵarylyp, olardyń nátıjeleri joıyldy. Ózge tulǵalar anyqtalǵan joq.

​UBT-ǵa daıyndyqty jaqsartý maqsatynda Ulttyq testileý ortalyǵy oqý jylynyń basynda testileý pániniń spesıfıkasıalaryn, test josparyn, «Qazaqstan tarıhy» jáne «Dúnıejúzi tarıhy» pánderinen 100 data, «Informatıkadan» termınder tizimin, «Qazaq ádebıeti» jáne «Orys ádebıeti» pánderinen shyǵarmalar tizimin óz saıtynda jáne áleýmettik jelilerinde jarıalady.

​Sondaı-aq, 2022-2023 oqý jylynyń basynan bastap UTO iri bilim berý ortalyqtarymen birge bas emtıhanǵa daıyndalý úshin onlaın-sabaqtar ótkizedi. Al https://prob-ent.testcenter.kz saıtynda talapkerler tegin baıqaý synaǵynan óte alady.

---