InfoHub Logo

Balapandaı qanat qaqqan árbir jasty baýyryna basyp, damýyna úles qosyp kele jatqan mańdaı aldy ýnıversıtet ol – QazUÝ. Qazaqstandaǵy eń bedeldi ýnıversıtetterdiń biri jáne bolashaq urpaqqa sapaly bilim berý úshin tamasha akademıalyq bazaǵa ıe. 1934 jyly negizi qalanǵan ýnıversıtet otandyq ǵylym men tehnıkanyń, mádenıettiń jáne joǵary bilimniń qalyptasýy men damýyna ólsheýsiz úles qosyp, sonymen birge memleketimizdiń damýynda tirek, baǵdar bola bildi.  Ýnıversıtette myqty bilim alǵysy keletin árbir stýdent úshin birqatar laıyqty múmkindikter bar. Ýnıversıtette Qazaqstandaǵy eń úlken jáne eń baı kitaphanalardyń biri bar.Ál-Farabı atyndaǵy Qazaq ulttyq ýnıversıtetiniń ǵylymı kitaphanasy Ortalyq Azıadaǵy eń iri kitaphanalardyń biri bolyp sanalady.  QazUÝ jas ǵalymdarǵa jaqsy jabdyqtalǵan jataqhana usynatyn stýdenttik qala sanalady.  Ýnıversıtette 5000-nan astam stýdentti qabyldaı alatyn 14 úlken jatahana ornalasqan.  Ýnıversıtette 16 fakúltet, 67 kafedra, 32 ǵylymı-zertteý ınstıtýttary men ortalyqtary, tehnopark bar. Sonymen qatar, 2 myńnan astam profesorlar, ǵylym doktorlary, fılosofıa kandıdattary men doktorlary, 100-den astam iri  akademıkter, 40-tan astam Qazaqstan Respýblıkasynyń eńbek sińirgen qaıratkerleri, 40-qa jýyq memlekettik syılyqtyń ıegerleri bar.Ýnıversıtet keremet jáne jan-jaqty akademıalyq baǵdarlamalardy usynady.  Jyl saıyn QazUÝ-dyń 2000-nan astam stýdenti tildik daıyndyqtan, sondaı-aq sheteldik ǵylymı jáne oqý oryndarynda ǵylymı taǵylymdamadan ótedi.  Ýnıversıtet jyl saıyn ýnıversıtettiń 600-den astam profesorlyq-oqytýshylyq jáne ákimshilik qyzmetkerlerine halyqaralyq konferensıalarǵa, sheteldik joǵary oqý oryndary men TMD, Eýropa, Soltústik jáne Ońtústik Amerıka, Taıaý Shyǵys jáne Azıa elderindegi uıymdarǵa sheteldik issaparlar uıymdastyrady. Oqý ǵımarattary Almatynyń ekologıalyq taza jáne gúldengen aımaǵynda ornalasqan.  Ýnıversıtet aýmaǵynda: Ó.A.Joldasbekov atyndaǵy stýdentter saraıy, ǵylymı kitaphana, ınternet ortalyǵy, sport kesheni men stadıon, sondaı-aq «Keremet» stýdentterge qyzmet kórsetý ortalyǵy ornalasqan.

Men «Ekonomıka jáne bıznes joǵary mektebi» fakúltetinde bilim alýdamyn. Ekonomıka jáne bıznes joǵary mektebi fakúlteti 1943 jyly ashylyp, 1963 jyly Halyq sharýashylyǵy ınstıtýtynyń qurylýyna negiz bolǵan, Qazaqstandaǵy joǵary bilikti ekonomıka mamandaryn daıarlaıtyn eń alǵashqy jáne keń aýqymdy qamtıtyn ortalyq. Jyl saıyn ekonomıka jáne bıznes, menejment jáne marketıń, qarjy, esep jáne aýdıt salasynda fakúltetten jylyna 500-dan astam bakalavr túlep ushady. Ýnıversıtet qabyrǵasynda bilim salasy boıynsha sapa men damýdyń naqty úlgisin kórsetip kele jatqan «Ekonomıka jáne bıznes joǵary mektebi»  fakúltetiniń alar orny erekshe. Atalǵan fakúltet quramynda eńbek etetin árbir ustaz óz shákirtterine mol bilim men rýhanı damýdyń joldaryn kórsetip, túsindirý úshin esh aıanbaı eńbek etip kele jatyr. Fakúltet stýdentteri men ustazdarynyń bir ortaǵa toǵysyp, birge áreket etý isinde fakúltet dekany L.Bımendıevanyń úlesi óte zor dep aıta alamyn. Ózim bilim nárimen sýsyndap jatqan «Qarjy jáge Esep» kafedrasy jáne kafedra muǵalimderine aıtar alǵysym sheksiz.

Bilim men rýhanı qasıetterdi osy oqý jyldary ishinde boıǵa sińirýge kómektesken árbir ustazdyń bizdiń júregimizden alar orny erekshe ekendigi anyq.

 

Sembına Balaýsa,

Ál-Farabı atyndaǵy QazUÝ Ekonomıka jáne bıznes joǵary mektebi fakúlteti

  «Esep jáne aýdıt» mamandyǵynyń 4-kýrs stýdenti

Ǵylymı jetekshisi:

e.ǵ.k., dosent Sultanova B.B.

 

---