InfoHub Logo

Tárbıe saǵaty «Naýryz – Ulystyń uly kúni»
Maqsaty: Naýryz meıramy týraly túsinik berý. Balalardyń oılaý, qabyldaý, zeıin qabiletterin damytý. Gramatıkalyq talǵamda júıeli sóıleýge, merekelik kóńilin kóterý, elge degen
súıispenshilikpen birge, salt - dástúrdi qurmetteýge tárbıeleý.
Kórnekilikter: Naýryz merekesine arnalǵan sýretter, ınteraktıvti taqta, kıiz úı, sharlar, dóńgelek ústel, besik.
Sabaq barysy:
İ. Uıymdastyrý kezeńi
- Sálemetsiz be, qurmetti ata - analar, balalar, qonaqtar! Búgingi Naýryz meıramyna arnalǵan «Naýryz – Ulystyń uly kúni» atty ashyq sabaǵymyzdy bastaýǵa ruqsat etińizder!
- Balalar, mine Naýryz da keldi. 22 naýryz jyl basy. Naýryz úlken meıram.
Kópten kútken Naýryz toıy araıly,
Nurǵa bólep mine jatyr mańaıdy!
Mal bitkenniń bal tatyǵan ýyzdy,
Qýat bolyp qanymyzǵa taraıdy.
Tórt túlik mal halqymyzdyń súıeri,
Kóńilimniń kúmbirlegen kúıi edi.
«Aman ba» dep mal janyń?
Birin - biri qushaqtasyp súıedi.
- Al, balalar! Qurmetti ata - analar, ustazdar! Bárimiz turyp bir - birimizdi qushaqtap, bir - birimizge jaqsy tilekter aıtyp, Naýryz meıramymen quttyqtaıyq!
Naýryz – Ulystyń uly kúni qutty bolsyn!
Aq mol bolsyn!
Jańa jyl baq, bereke, molshylyq ákelsin!
İİ. Áńgimelesý Naýryz shyǵys kúntizbesinde jańa jyl basy dep sanalady. 21 - 22 naýryzda kún men tún teńeledi. Naýryz degen sózdiń ózi «naý» - jańa, «rýz» - kún degen sózderden alynyp, jańa jyl degen uǵymdy bildiredi. Adamdar Naýryzǵa daıyndalady. Olar úı, aryq, aýla, kósheni tazalaıdy. Aǵash, gúl egedi. Adamdar úılerinde dastarhan jaıady. Án shyrqap, bı bılep, oıyn uıymdastyrady.
- Qurmetti qonaqtar, balalar! Naýryz qutty bolsyn! (bir ata - ana shashý shashady, mýzyka qosý)
- Naýryz - baqyttyń bastamasy, ulylyqtyń uıytqysy, jaqsynyń jarshysy, yntymaqtyń belgisi, ómirge nur syılaǵan, sezimge gúl syılaǵan halyq qasterleıtin kún.

1 - Júrgizýshi:
Qosh kelipsiz, qurmetti ata - analar
Júzderińnen meıirimmen nur tamar
Aldaryńa jaýqazyndaı qulpyrǵan
Balǵyn shaqty biz baqytty balalar.
1 - Júrgizýshi:
Armysyzdar, muǵalimder, áz jandar
Bilim izdep, ınemen qudyq qazǵandar
Qushaq jaıa qarap alamyz, sizderge
Bı - bılep, án dep búgin shyrqalar!
1 - oqýshy:
Naýryz toıy tamasha,
Naýryz toıy jańasha
Tabıǵat ta tamasha,
Tamyljyp tur jarasa.
2 - oqýshy:
Naýryz toıy saltanat,
Naýryz toıy marhabat
Ár júrekten ár tarap
Shattanady shartarap.
Bári:
Naýryz kelse qut kelgeni, halaıyq!
Esik ashyp, shashý shashylyp,
El bop qarsy alaıyq.
3 - oqýshy:
Qys ótip, qar ketip
Shyraıly jaz jetip.
Sharýanyń kenelgen
Meıramy ejelden,
Qutty bolsyn, Naýryz!
4 - oqýshy:
Jańǵyrar dástúr saltymnyń,
Kózelsiń bulaq jylǵasy
Qasterli meniń halqymnyń,
Mereke, «Naýryz» jyl basy.
5 - oqýshy:
Búgin kún teńeldi,
Jer shýaqqa keneldi
Sony toılar el endi.
6 - oqýshy:
Naýryz toıy saltymyz,
Kógersiń dep halqymyz
Kóshege tal egedi.
7 - oqýshy:
Ómir baǵy jaınasyn,
Baqta bulbul saırasyn.
8 - oqýshy:
Kúrep altyn kúrekpen
Qardy eritken Naýryz!
Jatyr kóktem túletip,
Búrlep baqsha – baýymyz.
9 - oqýshy:
Uly kúni ulystyń
Kún men túndi teńegen.
Tátti dámin yrystyń
Tattyq Naýryz kójeden
2 - Júrgizýshi:
Án: «Kóktem» oryndaıtyn Saıyn Horlan
1 - júrgizýshi:
Armysyz álemniń altyn shyraǵy,
Kún Ana! Tórletińiz!
Atar tańǵa, batar kúnge táý - táý!
- Kún Ana
- O, Qasıetti Jer Ana! Alla - taǵalanyń ámirin qalt jibermeı oryndap, adamzat úshin saǵan bas ıemin. Men sen úshin tabıǵat baılyǵyna engen taý – tasyńnan, jan – janýaryńnan bastap adam zatyna deıin, qýanyp nuryn sebý úshin, ózińniń gúl kóktemińde, Arý kóktemimdi shaqyrǵaly otyrmyn.
2 - júrgizýshi:
Jyr syılaǵan, nur syılaǵan tirshilikke,
Qutty bolsyn qýanyshyń Arý kóktem,
Shaqyratyn bárimizdi birlikke.
Kóktem Arý.
Armysyzdar halaıyq
Barmysyńdar halaıyq,
Naýryz toıyn jup jazbaı,
Jylda qarsy alaıyq.
Óshken shyraq jaǵylsyn.
Kóktemniń árbir aq tańy
Qýanyshpen, ashylsyn.
1 - Júrgizýshi:
«Toı bastar» bıin tamashalańyzdar.

2 - júrgizýshi:
- Búgin ulystyń uly kúni!
Ata babalarymyzdyń
Sózimen, aıtsaq«Aq túıeniń qarny jarylǵan kún».
Endeshe, Naýryz meıramynyń saltanaty Naýryzdy shaqyraıyq.

2 - júrgizýshi:
Naýryz kelse qut kelgeni halaıyq,
Esik ashyp shyn júrekten,
El bolyp qarsy alaıyq!
Jer Ana.
Zaryǵa kútken jańa jylym da,
Naýryzym keldi - aý!
Jańa – jylym jarylqa, eski jylym esirke.
Urpaqtarym aman et.
Jamandyq ári ket, ári ket
Alas, Alas! Bar báleden qalas
Naýryz batyrym kele ǵoı!

Naýryz batyr.
Sálem Anam altyn kún,
Nur shýaǵy halqymnyń.
Ashyq bolsyn aspanym,
Aman bolsyn jas - káriń.
Jyl ıesi tulparym
Qut ıesi tulparym
Baqyt ákel elime
Qut – bereke molshylyq
Darı bersin jerime.

1 - júrgizýshi:
Rahmet,
Naýryz batyr,
Kún Ana,
Arý kóktem,
Toıymyzǵa kelgen qadamdaryńyzǵa nur jaýsyn.
10 - oqýshy:
Jyr syılaǵan, Nur syılaǵan tirlikke,
Qasterleıik, qadirińdi bildik pe!
Qutty bolsyn Ulys kún jumyldyrǵan
Bárimizdi yntymaq pen birlikke!
2 - júrgizýshi:
Án qosylsyn ánińe,
Sán qosylsyn sánińe!
Yrysty bop jańa – jyl,
Baq darysyn bárińe!

Án. Jaý – jaý jańbyr.
1 - júrgizýshi:

«Balaýsa» bı tobynyń oryndaýynda «Qamajaı» Qol soǵyp qarsy alyńyzdar.
Oı qosylyp oıyńa,
Boı qosylsyn boıyńa!
Aman - esen jeteıik
Keler Naýryz toıyna!
Osymen, qurmetti qonaqtar! Búgingi Naýryz meıramyna arnalǵan tárbıe saǵatymyz aıaqtaldy. Nazarlaryńyzǵa kóp rahmet! Saý bolyńyzdar!