Nazarbaev: Qazaq jastarynyń shetelde jalshy bolyp júrmegenin maqtan tutamyn
Jaqynda ótken «Memleket basshysy» fılminiń tusaýkeserinde prezıdent Nursultan Nazarbaev qazaq jastarymen maqtanatynyn aıtty.
Qazaqstan prezıdenti 10 myńǵa jýyq jastardyń sheteldegi úzdik ýnıversıtetterde bilim alyp, keıin Otanyna oralǵanyn maqtanyshpen jetkizdi.
«Men birde-bir qazaqstandyq jastyń shetelderde jalshy bolyp júrmegenine qýanamyn. Eshkim esh jerde mıgrant bolǵan emes! Ol óz elinde jumys isteıdi, bul uly maqtanysh», - dep atap ótti prezıdent.
Elbasy shetelde oqıtyn qazaq jastarymen kezdesýi barysynda olardyń óte patrıot ekenin baıqaǵan.
«Olardyń jataqhanalarynda Qazaqstannyń týy ilinip turady. Saǵynady olar eldi. Ne bolyp jatqanyn baqylap otyrady. Olardyń patrıottyq sezimderi ómir boıy elde turyp kele jatqandarǵa qaraǵanda áldeqaıda joǵary. Menińshe, bul keremet. Al olar Otanyn súıý úshin eli de oǵan laıyq bolý kerek, solaı emes pe?», - dedi prezıdent.
Nazarbaev el jastarynyń eń baqytty ekenin aıtty.
«Olarda bizdiń túsimizge de kirmegen nárseler bar», - dep atap ótti elbasy.
You Might Also Like
-
Óz jolyna túsip alyp súrleý soqpaǵymen kip-kishkentaı Qumyrsqa kele jatyr edi, kenet aldynan pende shyǵa keldi. Pende Qumyrsqany bir-aq myjyp óltire salsam ba eken dep oılady. Sol oımen pendeniń dáp-...
-
Mundaı jaza opasyzdarǵa, satqyndarǵa qoldanylǵan. Jazaǵa ushyraǵan adamnyń aıaq-qolyn baılap, aǵashqa (keregege) tańǵan, al soǵys kezinde naıza astyna kergen. Sonan soń barlyq jıylǵan jurt onyń betine...
