Táýelsizdiktiń 25 jyldyǵy: Qazaq geografıalyq qoǵamy 108 kúnniń ishinde Qazaqstannyń barlyq aımaqtaryn aralap shyǵady
Qazaq geografıalyq qoǵamy Qazaqstan Respýblıkasy Táýelsizdiginiń 25 jyldyǵyna oraı ekspedısıaǵa shyqpaq.
Bul týraly atalǵan qoǵamnyń Feısbýktegi paraqshasynda habarlandy.
«Qazaqstan táýelsizdiginiń 25 jyldyǵyna jáne tuńǵysh qazaq geografy Álıhan Bókeıhannyń 150 jyldyǵyna arnalǵan ekspedısıa óz bastaýyn elimizdiń eki negizgi qalalarynan alady. Astana kúni, 6 shildede, ekspedısıa jolǵa shyǵyp, 108 kúnniń ishinde Qazaqstannyń barlyq aımaqtaryn aralap, elordaǵa qaıtyp oralady. 108 dep - tekten-tekke alyp turǵanymyz joq! Óıtkeni biz 108 saǵattyń ishinde Ońtústik polústi de baǵyndyryp, Gınnestiń rekordtar kitabyna engendikten, osy sannyń ereksheligin jalǵastyrmaqpyz!
Biz Astanadan Aqtoǵaıǵa, sodan keıin Qarqaralyǵa jáne Semeıge baramyz. Semeı qalasynda ekspedısıa eki baǵdar boıynsha bólinip ketedi. Birinshi top Almaty oblysyna baryp, sol jaqtan búkil Qazaqstan arqyly ótse, ekinshi baǵyt Álıhan Bókeıhannyń 150 jyldyǵyn atap ótý maqsatynda Ombyǵa baryp, Sankt-Peterbýrg, Mınsk, Samara, Orynbor, Máskeý arqyly júrip ótedi. Keıin eki baǵyt Astanada taǵy da birge kezdespek», delingen habarlamada.
Jobany Qazaq geografıalyq qoǵamy, Habar telearnasy jáne Arsha Medıa uıymdastyryp otyr.
You Might Also Like
-
Bókenniń bir minezi kimniń janyna jaqyn júrsem, abyroıdy kóbirek jınaımyn, kimniń janynda kóbirek sóılesip tursam, abyroıly kórinip turamyn, kimmen baılanys ornatsam, abyroıym asqaqtaı túsedi dep j...
-
Saqan aýylǵa dúnıeden ótip ketken áke-sheshesine quran oqytýǵa bardy. Saqandar bir áke-shesheden eki aǵaıyndy jigit. Aǵasy aýylda turady. Saqan aýylǵa barǵannan keıin kórshisi Tolybaı aǵanyń úıine ki...
