InfoHub Logo

Qazaq boksy álemdik arenada joǵary bedelge ıe. Qaısar minezdi qazaqtyń qyz-jigitteri sharshy alańda ózderiniń sheberligi joǵary, shoqtyǵy bıik ekenin moıyndatyp keledi. Qazaqstanda jastardyń bul sport túrine qyzyǵýshylyǵy joǵary dep nyq senimmen aıta alamyz. Mundaı óskinderdiń qarasy bizde de qalyń. Oǵan dálel, Almaty oblysy, Eńbekshiqazaq aýdany, Shelek aýyly, Shelek polıtehnıkalyq kolejiniń 1 kýrs 118 top «Esepteý tehnıkasy jáne aqpparattyq jeliler» mamandyǵynyń stýdenti Bilisbekova Nazerke, bokstan 2005-2006 j.t.jastar (qyzdar) arasynda Almaty oblysynyń chempıonatynda 1orynǵa ıe boldy.

Nazerke, jastar arasyndaǵy Qazaqstan chempıonatyna joldama aldy.

Bapkeri: Nurhalykov Erjan Qazaqstan Respýblıkasynyń joǵary ulttyq dárejedegi tóreshi. Bokstan sport sheberi, Eńbekshiqazaq aýdanynyń qyzdar arasyndaǵy aǵa-jattyqtyrýshysy.

Sharshy alańda namysty qoldan bermeıtin qazalylyq jastardyń qaısar minezine talaılar tańdaı qaǵyp keledi. Olar óziniń aldyńǵy býyn aǵalaryn, eldegi kúrzi judyryqty batyrlaryn úlgi tutady, maqtan etedi.

Talaı boks maıtalmandaryn shyńdaǵan bólimshe tarıhy tereńde. 

El ishinde bokspen aınalysatyn er azamattar jeterlik. Olardyń qatarynda názik jandylar da az emes. Bizdiń kolejde tek qana mamandyq alyp shyǵý emes, sonymen qatar stýdentter ózderin ártúrli shyǵarmashylyq jáne sporttyq salasynda kórsete biledi. Sport salasynda er azamattar qatarynda bizde názik jandy sportshylarymyz da bar. Naqtylasaq, 1 kýrs 118 top stýdenti, Bilisbekova Nazerke, stýdentimizdiń maqsaty – álemdik dodalarda top jarý. Ol ómirin sportsyz elestete almaıtynyn aıtady. Alańǵa shyqqanda qyzý qandylyqtan góri asa shydamdylyqpen utqyr bolýdy jón sanaıdy. «Qazaq qyzdary qaı kezde de sulýlyq pen qaısarlyqtyń sımvoly bola bilgen. Batyr ápkeleriniń izin jalǵastyratyn judyryqty názik jandy Nazerke,  bolashaǵynan úlken úmit kúttiretin sportshy».

Sharshy alańnyń shańyn shyǵaryp júrgen bizdiń boksshylardyń alar asýy áli alda. Túrli dodalarda top jaryp, el eńsesin kóteretin chempıondardyń shyǵýyna biz de tilekshimiz. Bilisbekova Nazerke Kýrator: Jırenova Aıgýl Barıbaevna, ó/o sheberi Saýtov Refat Paızýllamovıch.

---