InfoHub Logo

Maqsaty: Qorshaǵan ortamen tanystyrý, balanyń týǵan jerge degen súıispenshiligin, janashyrlyǵyn arttyrý, qustar, ańdar týraly túsinikterin odan ári damytý. Balalardyń iskerlik qabiletin damytyp, olardyń qorshaǵan ortadaǵy erekshelikterin tanyp-bilýin, este saqtaý, oılaý jáne ańǵarymdylyq qabiletin damytý.
Ushatyn, sekiretin, qustar men ańdardy bir-birinen ajyrata bilýge úıretý. Sózderdi anyq aıta bilýge úıretý. Jan - janýarlar men qustardy aıalaýǵa, qamqorlyq jasaýǵa tárbıeleý.

Ádis-tásili: kórsetý, túsindirý, áńgimeleý, suraq-jaýap, oıyn.
Pánaralyq baılanys: til damytý.
Uıymdastyrylǵan oqý is-áreketiniń túri: dástúrli emes.
Uıymdastyrylǵan oqý is-áreketiniń tıpi: Jańa bilimdi tıanaqtaý.
Kórnekiligi: qys mezgili beınelengen plakat, sýretter, oıynǵa betperdeler (qarǵa, tıin, kúshik).
Sózdik jumys: qarǵa, qarq, tıin, jańǵaq, kúshik
Balalar jarty sheńber boıyna turady. Oı, balalar, sender búgin qandaı ádemisińder! Qane, balalar bir-birimizben sálemdesip alaıyqshy.

Qýanamyn mende,
Qýanasyń sende.
Qýanaıyq dostarym,
Jarqyraǵan kúnge!
Endi balalar, bárimiz oryndyqqa jaıǵasaıyq.
- Balalar aıtyńdarshy, qazir jyldyń qaı mezgili?
- Qys mezgili.
- Durys aıtasyńdar, qysta ne jaýady?
- Qar jaýady.
- Óte jaqsy, qazir aýa-raıy qandaı bolyp tur?
- Sýyq bolyp tur, biz tońamyz.
- Ia, tońyp qalmas úshin jyly, qalyń kıim kıedi ekenbiz. Balalar aıtyńdarshy, biz dalaǵa shyqqanda qandaı qustardy kóremiz?
- Qarǵany, torǵaıdy kóremiz.
- Taqtadaǵy sýretterge qarańdarshy, qaı jyl mezgili beınelengen?
- Qys mezgili
- Myna jerde ne kórip tursyńdar?
- Qar basqan úıdi, úıshikti, qar basqan taldy kórip turmyz.
- Balalar, meniń qolymdaǵy neniń sýreti?

- Qarǵa-
- Qarǵa dep bárimiz qaıtalaıyqshy.Qarǵanyń tumsyǵy bar, tumsyǵymen sý ishedi,jem shoqyp jeıdi. Qarǵanyń qanaty bar, qanatyn jazyp ushady. Qarǵa qandaı dybys shyǵarady?
- Qarq-qarq dep dybystaıdy.
- Qarǵa aspanda qalaı ushady, qımylyn salyp kóreıikshi.
(Balalar qarǵanyń qımylyn salady)
- Balalar, myna sýretke qarańdarshy bul tıin, qane qaıtalaıyqshy.
- Tıin.
- Tıinniń júni úlpildek, ózi sondaı ádemi ań. Tıin jańǵaq jeıdi, qane bárimiz jańǵaq dep qaıtalaıyqshy.
- Jańǵaq.
- Tıin taldan-talǵa jeńil sekiredi.(Talǵa tıindi qoıý)
- Endi tıinniń qımylyn kórseteıikshi.
(Balalar tıinniń qımylyn salady)

Al mynaý kúshiktiń sýreti. Kúshiktiń de júni jumsaq, ádemi, súıkimdi. Qane kúshikke at qoıaıyqshy. Kúshikke Aqtós dep ataıyq. Aqtós et, súıek jegendi jaqsy kóredi. Olar adamnyń dosy. Eger úıge bóten adam kelse úredi. Kúshikter qaıtyp úredi?
- Af-af dep úredi.
- Al endi, balalar, Aqtóstiń qımylyn salaıyqshy.
(Balalar kúshiktiń qımylyn salady)
- Balalar qarǵa ushady eken, al tıin sekiredi eken, al kúshik bolsa júgiredi eken. Endi biz «Ne ushady, sekiredi, júgiredi» oıynyn oınap jibereıik. Meniń qolymda qarǵanyń, tıinniń, kúshiktiń betperdeleri bar. (Balalar betperdelerdi kıip, soǵan sáıkes taǵamdaryn taýyp ákeledi)
- Jaraısyńdar, balalar, barlyǵyń da oıynǵa jaqsy qatystyńdar!

Kútiletin nátıje:
Bilýi: Qys mezgiliniń erekshelikterin biledi.
Meńgerýi: Ushatyn, sekiretin, júgiretin sózderiniń mánin túsinip, sondaı qımyl jasaıtyn janýarlar men ańdardy ajyratady.
Jasaı alýy: Tapsyrmany oryndap, qımyl-áreketin jasaı alady.