InfoHub Logo

Maqsaty:Balalarǵa úı qustarynyń ereksheligi týraly bilimderin keńeıtý,úı qustarynyń qasıetine qaraı tanýǵa, olarǵa qamqor bolýǵa tárbıeleý. Balalardy tabıǵatty aıalaı bilýge,tabıǵat aıasynda ózderin erkin sezinýge yqpal etý.
Ádis-tásili: áńgimeleý, suraq-jaýap, sıpattaý, sergitý, oıyn.

Uıymdastyrylǵan oqý is-áreketiniń túri: saıahat sabaq
Kórnekilikteri: tiri úı qustary, teledıdar, betperdeler.
Aldyn-ala júrgizilgen jumys: qustar týraly taqpaqtar jattatý.
- Balalar, bizge qonaqqa kóp apaılar kelipti. Bárimiz sálemdeseıik!
- Sender ertegi tyńdaǵandy unatasyńdar ma?
- Ia, unatamyz.
- Endeshe, men senderge «Tarǵyl taýyq» ertegisin aıtyp bereıin.
Ertede ataı men ájeı bolypty. Olardyń tarǵyl taýyǵy bolypty. Ataı men ájeı tarǵyl taýyqqa jem berip, kútip baǵady.Bir kúni tarǵyl taýyq altyn jumyrtqa týady. Ataı altyn jumyrtqany qolyna alyp, ári urady, beri urady synbaıdy.Ájeıde altyn jumyrtqany alyp syndyra almaıdy. Bir kezde anadaı jerde ketip bara jatqan tyshqan jumyrtqany quıryǵymen qaǵyp ketedi. Sol kezde altyn jumyrtqa jarylyp qalady. Ataı men ájeı jarylǵan altyn jumyrtqany kórip qatty jylaıdy. Sonan keıin tarǵyl taýyq aq jumyrtqa týady.Oǵan ájeı men ataı qatty qýanady.
- Balalar, senderge ertegi unady ma?
- Unady.
- Bul ertegide qandaı keıipkerler bar?
- Ájeı, ataı, taýyq, tyshqan.
- Qandaı taýyq?
- Tarǵyl taýyq.
- Tarǵyl taýyq qandaı jumyrtqalar týdy?
- Altyn jumyrtqa, aq jumyrtqa.
( Osy kezde shıqyldaǵan dybys estiledi)
- Balalar, estidińder me, tyńdaıyqshy bul neniń daýsy? Qane bárimiz izdeıik. (kishkentaı balapan kórinedi)
- Balalar, mynaý ne?
- Bul balapan.
- Oı, qandaı súıkimdi balapan, buǵan ne boldy, aıaǵyn shyǵara almaı turǵan sıaqty, qane kómektesip jibereıik.Óziniń júni jumsaq eken.
- Balapannyń túsi qandaı?
- Túsi sary.
Endeshe bárimiz balapanmen birge serýenge shyǵaıyq, anasy da tabylyp qalar. (Balalar shópterdiń arasymen júredi).
- Balalar, myna jerde jatqan ne?
- Bul jumyrtqa.
- Ia, balapannyń anasy da osy jerde bolýy múmkin. Myna jerge jumyrtqasyn tastap ketipti.
- Apaı, mynaý ne?
- Bul taýyq qora ǵoı, bul jerde taýyqtar mekendeıdi. Balalar áne, áje kele jatyr, sodan suraıyq múmkin sol kisi biler.
- Sálemetsiz be, áje! Biz myna kishkentaı balapannyń anasyn izdep júrmiz.
Áje: Ia, men de osy balapandy izdep júr edim, rahmet, senderge!
- Balalar, ájeniń qorasynda úı qustary bar eken, kórgileriń kele me? Endeshe, búgin biz úı qustarymen tanysamyz. Mynaý átesh, onyń basynda aıdary bar. Áteshtiń túsi qandaı?
- Túsi qyzyl.
- Áteshtiń eki kózi, eki qanaty, eki aıaǵy bolady jáne quıryǵy bar eken. Átesh qalaı dybys shyǵarady?
- Ký-ka-re-ký.
- Balalar, sender átesh týraly taqpaq bilesińder me?
- Ia, bilemiz. (balalar taqpaq aıtady)
- Al, myna taýyqty mekıen dep ataımyz, bul da úı qusyna jatady.Olar jem jep, sý ishedi. (Áje taýyqtarǵa jem shashady)
- Balalar, mekıenniń túsi qandaı?
- Túsi aq.
- Olar qalaı dybystaıdy?
- Qyt-qyt-qyt.
- Taýyqtar týraly qandaı taqpaq bilesińder? (Balalar taqpaq aıtady)
- Jaraısyńdar, balalar! Qane bárimiz, qustarǵa uqsap qımyl jasaıyqshy.(Sergitý jattyǵýyn jasap, oryndaryna kelip otyrady)
Ekrannan taǵy da qustardyń sýretteri kórinedi. Mynaý-qaz. Qazdyń moıny, tumsyǵy uzyndaý bolady. Al mynaý qanattary. Qaz taýyqtarǵa qaraǵanda úlkendeý bolady, jumyrtqasy da úlkendeý bolady.(salystyrtý). Qaz týraly taqpaq aıtaıyqshy.
Al mynaý-úırek. Úırektiń túsi aq eken. Bul qustar sýda júzgendi unatady.Úırektiń de jumyrtqasy bolady, ol da taýyqtikine qaraǵanda úlkendeý bolady.(Salystyrý).

Oıyn: «Balapandar men mashına»
Sharty: Tárbıeshi taýyq bolady, al balalar balapan bolady.Balapandar jaıylyp júredi de, aldarynan mashına shyǵa kelgende, balapandar taýyqtyń qanatynyń astyna kelip tyǵylady.
- Balalar, senderge oıyn unady ma?
- Ia unady.
- Balalar, biz búgin qandaı úı qustarymen tanystyq?
- Taýyq, átesh, qaz, úırektermen tanystyq.
- Jaraısyńdar, qonaqtarǵa saý bolyńyzdar deıik!