InfoHub Logo

Maqsaty: Balalardyń shar týraly bilimderin keńeıtý, tolyqtyrý, oıyn arqyly túr-túsin ajyrata bilýge úıretý.Aqyl-oılaryn, zeıinin, tanymdyq qabiletterin arttyrý.Estetıkalyq talǵamdaryn kóterý. Shardyń ásemdik quraly ekenin aıta otyryp, balany ádemilikti súıe bilýge tárbıeleý.
Ádis-tásili: tańǵajaıyp sát, túsindirý, kórsetý, suraq-jaýap, kóńil-kúıdi kóterý.

Kórnekilikteri: kúnniń sýret, túrli-tústi sharlar,lentalar,qolshatyr, gúlder, doptar, jeldetkish.
Uıymdastyrylǵan oqý is-áreketiniń túri: oıyn túrinde.
Balalar dóńgelenip otyrady. Topqa Karlson (tárbıeshi) kiredi.
- Ýh, jerge áreń degende qondym ǵoı.JJ-jj-jj-jj. Balalar, sálemetsizder me! Men Karlsonmyn. Men senderdeı balalarmen dos bolǵandy unatamyn, oınaǵandy jaqsy kóremin. Sender sıaqty tátti jeımin, oıynshyqpen oınaımyn.

(Áýen oınalyp, qatty jeldiń daýsy estiledi)
- Oı, balalar, neniń daýysyn estip tursyńdar?
- Jeldiń dybysyn estip turmyz.
(Osy kezde ishi sharǵa toly qapshyq domalap ushyp keledi)
Karlson: Mynaý ne nárse? İshinde ne bar? Bizge buny kim ákeldi? Ózi qapshyq sıaqty, bul kimdiki aý-ý.
(Áýen oınalyp, jeldiń dybysy shyǵady). Men jelmin. Muny senderge men jiberdim. İshinde ne bar ekenin ózderiń tabyńdar. Ol úshin men senderge bir jumbaq jasyramyn, sol jumbaqtyń sheshýin tapqanda, bul qapshyqtyń ishinde ne bar ekenin bilesińder.
Qaǵanaqtaı qabyq,

Baıqa, alma jaryp.
Karlson: Balalar, ol ne boldy eken, ustap kóreıikshi, ózi jumsaq eken, jarylyp ketetin ne ekenin bilesińder me?
- Ol shar ǵoı.
- Jaraısyńdar, jeldiń jasyrǵan jumbaǵy shar eken ǵoı. Balalar, osy shardy ne úshin qoldanamyz?

- Sharmen oınaımyz, merekelerde topty ádemileımiz.
- Sender, shar týraly taqpaq bilesińder me? (Balalar taqpaq aıtady)
- Jaraısyńdar, endi «Túsin tany» oıynyn oınaıyq
Sharty: Balalarǵa ár tústi sharlar beriledi. Sol túske sáıkes zatty tabýlary kerek. (Balalar oınaıdy)

Karlson: Jaraısyńdar, balalar. Óte jaqsy oınadyńdar.
(Osy kezde topqa kóptegen sharlar ushyp keledi).
Karlson: Balalar,óz kıimderińniń túsine sáıkes, sharlardyń jibin taýyp ustap alyńdar. Endi osy ásem sharlarymyzǵa arnap óleń aıtaıyq.

Qyzyl, sary, kók shar,
Qolymyzda kóp shar.
Áýede qalqıdy
Ánimiz shalqıdy

Qyzyl,sary,kók shar
Qolymyzda kóp shar
Aıdaımyz, kúndeımiz,
Oınaımyz, kúlemiz!