InfoHub Logo

Bundaı «kereńdikke» bárimiz tap bolyp turamyz. Metroda, avtobýsta qyzyq kitap oqyp otyryp, kerekti aıaldamamyzdan baıqamaı ótip ketemiz, esep shyǵaryp otyryp, basqalardyń bizden ne surap turǵany qulaǵymyzǵa kirmeıdi.    

Bul qubylysqa «zeıinsiz kereńdik» degen ataý berildi. Ol, adamnyń ómirjasyna jáne jynysyna qaramastan, barlyq adamda qandaı da bolsyn bir dárejede baıqalyp turady.

Profesor Nıllı Lavı jetekshilik etken London koleji ýnıversıtetiniń qyzmetkerleri júz adamnan quralǵan testtik top jınaqtap, olardy kompúter aldyna otyrǵyzyp qoıdy. Olardyń barlyǵy kúrdeliligi ár qalaı bolatyn tapsyrmalardy oryndaýy tıis boldy. Buǵan qosa olar, dınamıkasy ár túrli, keıbirinde qulaqqa túrpideı tıetin jáne qaıtalanbaıtyn beretin mýzyka oınap turǵan, qulaqqap taǵyp otyrdy. Tájirıbege arnalǵan ýaqyt aıaqtalǵan kezde oǵan qatysyp otyrǵandardyń barlyǵynda mýzykanyń úni óship, Lavı barlyǵynan jumysty tamamdaýdy ótindi. Synalyp otyrǵandardyń kóbi buny baıqamaı, tapsyrmalaryn oryndap otyra berdi! Bul rette ońaı tapsyrma, mysaly, nysandardyń túsin anyqtaý tapsyrmasyn oryndap otyrǵan 10 adamnyń 8-i mýzyka toqtap qalǵanyn estigen. Al kúrdelirek, mysaly, eki kesindiniń uzyndyǵyn anyqtaý tapsyrmasyn, oryndap otyrǵan 10 adamnyń 8-i ózimen ózi bolyp, ornaǵan tynyshtyqty baıqamaı qalǵan.

Bul qubylystyń negizinde vızýaldy aqparatty óńdeýdegi basymdylyq bolsa kerek: biz qulaǵymyzdan jáne basqa sezim múshelerimizden góri kózimizge kóbirek senemiz. Biz syrtqy qozdyrǵyshtarǵa kóńil bólmeı qoıamyz. Adamnyń osy ereksheligi, qandaı jaǵdaıda bolmasyn, urys-keris pen ókpe-nazdyń sebebine aınalmaýy tıis.

---