InfoHub Logo

Siz serıal kórgendi jaqsy kóresiz be? Ár adamnyń jaqsy kóretin 2-3 serıaly bar shyǵar. Biraq, serıaldardy janryn talǵamastan qatarynan kóretin bolsańyz, ár keıipker úshin alańdap, onyń keshken hálin bastan ótkerseńiz, sizde oılanarlyq másele bar degen sóz.

Qumarlyq (baılanyp qalý) teorıasyna sáıkes, adam bala kezinde ata-anasynan nemese qamqorshysynan kórgen qarym-qatynas formasyn jubaıymen qarym-qatynasta da ustanady. Mysaly, aýrý anasyna qaraǵan bala qarym-qatynasta soǵurlym qamqor bolady. Biraq, ata-anasynan jaqsy qarym-qatynas kórip óspegen bala aqyl toqtatatyn jasqa jetkende unamsyz nárselerge úıir bolýy múmkin. Olar úsh túrge bólinedi:

— Mazasyz. Adamdarmen qarym-qatynas kezinde jaralanyp qalmaý úshin únemi alańdaýmen bolatyndar.  

— Qarym-qatynastan qashatyn. Jaqyn aralasýdan ózin tejeıtin adam.

— Qorqynyshtan qashatyn. Jaqyn qarym-qatynastan qashatyn adamdar bul qorqynyshty adamdarmen qatynasta qashyqtyq saqtaı otyryp jeńe alady.

Osy úsh túrdiń kez kelgeni boıynda erkinen tys kezdesetin adamdar, ádette, fılm men serıaldardyń oıdan shyǵarylǵan áleminde ózderine tynyshtyq tabatyn jer izdeıdi.

Zertteýshiler (A safe space for self-expansion: Attachment and motivation to engage and interact with the story world) 1039 eresek adam arasynda saýalnama júrgizý arqyly osyndaı qorytyndyǵa keldi. Zertteýdegi keı suraqtar olardyń jaqyn qarym-qatynastan ózin tejeýin jáne qazirgi qarym-qatynastary úshin qanshalyqty alańdaıtynyn baǵalaýǵa baǵyttalǵan. Sonymen qatar aralasatyn shekarany keńeıtýge qatysty beıimdiligi de baǵalandy. Mysaly, adamdarǵa «serıal kórgende ómirde kezdespeımin dep oılaıtyn adamdarmen júzdesý qandaı bolatynyn elestetemin» degen málimdemeni maquldaý nemese teriske shyǵarý usynylǵan. Osydan soń tańqalarlyq zańdylyq anyqtaldy.

Óz qarym-qatynastaryna alańdaıtyn adamdar kóbinese serıaldar men fılmderdiń keıipkerlerimen bolatyn qarym-qatynasty qalyptastyrýǵa beıim bolǵan. Olar kóbinese serıal qaraý arqyly naqty ómir týraly bilýge, óziniń qajettilikterin osylaı joıýǵa tyrysady. Qarym-qatynasta qashyqtyq saqtaýǵa tyrysatyn adamdar birinshi toptaǵy adamdar sıaqty serıaldardaǵy oqıǵalar týraly oı qorytyp tolǵanýǵa qabiletsiz ekeni anyqtalǵan. Olar ekrannan kórgen nárse arqyly emosıalyq turǵyda kóńilderin basqa jaqqa burdy. Qarym-qatynastan qashatyn jáne jaqyn aralasýdan qorqatyn adamdarǵa serıaldardyń tarıhy men keıipkerleri jaqsy áser etken.  

Osyndaı úsh tıptegi adamdarǵa serıaldaǵy oıdan shyǵarylǵan álem qaýipsiz keńistik bolyp kórinedi. Ekrandaǵy álem olarǵa alańsyz jáne qarym-qatynastan qashpaýǵa bolatyn jer sıaqty. Sonymen qatar, zertteýde aıtylǵandaı, olar ózin damytýǵa jáne qaýipti baılanys týdyrtqan naqty máselelerdi sheshýge kómektese alady.

---