InfoHub Logo

Rentgen — aýyr syrqattardy dıagnostıka jasaý úshin (densaýlyqqa bolar) zıandy paıdaǵa aınaldyrǵan ónertabys. Rentgen sáýlesinen paıda bolǵan zıanǵa qaramaı naýqastar da, dárigerler de aǵzany únemi tekserýden ótkizip turýǵa keńes berýden bas tartpaıdy. Rentgen osy kúnge deıin obyr men týberkýlez keselderin anyqtaý úshin eń paıdaly jáne qarama-qaıshy ádisterdiń biri bolyp otyr.

Sáýlelenýdiń qandaı qaýip-qaterleri bar?  

1. Rentgenniń jynys aǵzalary men qan jasýshalaryna qatty keri áser etetini dáleldengen. Sol sebepti prosedýra barysynda deneniń búkil qursaq bóligin qorǵaý úshin, qorǵasynnan quıylǵan arnaıy qorǵanysh quraldary paıdalanylady. Dál osy quraldar tin-ulpalardy zıandy sáýlelenýden saqtaıdy.

2. Balalar úshin rentgen paıdalaný durys emes, tek basqa dıagnostıka ádisteri múmkin bolmaǵan jaǵdaıda ǵana paıdalanylady. Prosedýra (em-dıagnostıka sharalary) barysynda balanyń denesin túgeldeı arnaıy perdemen, kıimdermen jáne qorǵasyn plasınalarmen jaýyp qoıyp qorǵaıdy, óıtkeni balanyń organızmi áli qalyptasyp bitken joq, sáýleleýge qarsy turý úshin álsiz.

Ǵalymdar rentgenniń sáýlelený múmkin bolǵan deńgeıiniń normasyn eseptep shyǵardy — medısınalyq ortalyqtarda jıi bolmaıtyndar úshin jylyna 5 mıllızıvert. Al júıeli túrde dárigerlerge qaralyp turatyndar jylyna 1 mıllızıvertten artyq mólsherde sáýle almaýy tıis. Alynǵan sáýle dozasyn esepteýdegi qatelik adamnyń hal-jaǵdaıy men ımmmýndyq júıesiniń qyzmetin nasharlatyp jiberýi múmkin.

Dástúrli rentgenge túsirý prosedýralaryndaǵy zıandy sáýle mólsheri az. 

Tisti rentgenografıalaý 0,003 rentgen sáýle mólsherin qamtamasyz etedi. Asqazandy teksertkende 0,176 rentgen mólsherin ıemdenesiz. Barlyq negizgi aǵzalardy tomografıalaý dozasy 1 rentgendi quraıdy. Bul qalypty jaǵdaıda rentgen durys qoldanylsa, adam organızmine zalaly bolmaıdy degen sóz.

Dene aǵzalaryn tomografıalaý eń zıandy bolyp tabylady, al basqa prosedýralardan aıtarlyqtaı nuqsan kelmeıdi. Sol sebepti dárigerler naýqasty tomografıadan ótkizer aldyn, dál osy prosedýranyń aldyn qashan bolǵanyn mindetti túrde tekseredi.

Júktiliktiń sońǵy kezeńinde medıkter rentgenografıa belgileýge táýekel etpeıdi, sebebi rentgen sáýlesiniń balanyń jetilýine tıgizer naqty áseri osy kúnge deıin belgisiz. Árıne, qursaq tusyn arnaıy fartýkpen nemese qorǵasyn plasınalarmen jaýyp qoıýǵa bolady, biraq óte qıyn jaǵdaıda ǵana jasalady — júktiniń ómirine qaýip tóngende.

Oqýǵa keńes beremiz:

Qoryldyń sebepteri jáne odan qutylý joldary

Janyńyzda eshkim joq kezde qaqalyp qalsańyz ne isteý kerek

Esten taný

Beldi qorǵaýdyń 10 joly

Salaýatty ómir salty úshin keńester

Teriniń qartaıýyn baıaýlatatyn kollagen qosylǵan 10 ónim

---