InfoHub Logo

Nuraly han men Syrym ekidaı bolady. Eńbeshi halyq jaǵy Syrymdy jaqtap, al baılar men tóreler jaǵy Nuraly jaǵyna shyǵyp, el ekige bólinedi. Bıler men aqsaqaldar Syrym men Nuralyny tabystyrý úshin Nuralynyń balasy Qultaıǵa Syrymnyń Qansylý degen qyzyn beretin bolyp, Nuraly men Syrymdy quda qylady. Nuralymen quda bolǵannan keıin de Nuralynyń bıligine, bergen tóresine Syrym qarsy kele beredi.

«Bul quda bolǵanmen, dushpandyǵyn qoımaıdy eken», — dep Nuraly Syrymdy tutqynǵa almaq bolyp, Oraldyń gýbernatoryna shaqyrtady. Syrym oralǵa ketkende, Nuralynyń balasy Syrymnyń qyzyna qalyńdyq oınaı barady, qyzdyń jeńgeleri qazaq ádetin jasamaq bolady. Biraq qyz: «Men hannyń balasyna barmaımyn, aýlyna qaıta bersin», — deıdi.

Nuralynyń balasy: «Qyzdyń mende ne kinási bar eken, ózi kelip menimen sóılessin», — deıdi. Qyz keledi, sonda Qultaı:

— Mende sizdiń qandaı kináńiz bar, mensinbeısiz be? — deıdi.

Sonda qyz:

— Men sizben, sirá, joldas bola almaspyn. Qasqyr men qoıdyń joldas bolǵanyn qaıdan kórip edińiz? Sizdiń ákeńiz meniń ákemdi Oraldyń túrmesine jabamyn dep júrgende, men sizge qalaı pende bolmaqpyn? — deıdi. Hannyń balasy Qultaı sózden utylyp, aýlyna kelip jaı-mánisti sheshesine baıandaıdy. Nuralynyń áıeli Oralǵa kisi jiberip Syrymdy bosatýdy suraıdy. Nuraly Syrymdy bosatyp alady.

---