InfoHub Logo

Ómir – teńiz, taǵdyr – keme, al kemeń sýǵa  batpas úshin óziń kapıtan bolýyń kerek.     

Halyq naqyly

Ómir – árbir adam balasy úshin bir ret beriletin synaq. Ómir – súrý bárine birdeı berilgen múmkindik. Halyq arasynda «Ómirge adam bolyp kelý – Alladan, al ómirden adam bolyp ótý – adamnan» degen tujyrym bar. Sondyqtan árbir adamnyń ómiriniń mándi bolýy tikeleı ózine baılanysty. Biraq , ókinishke oraı keıbir adamdar óz ómirlerin baǵalaı bilmeıdi.                                                                       

Ómir, eń aldymenen óz otbasymen qundy. Ózińizge jaqyn: erkeleter meıirimdi –  anańyz bolsa, asqartaýdaı arqa súıer –  ákeńiz bolsa, óz ósıetimen jón silter –  atańyz bolsa, rýhanı adamgershilik tárbıemen sýsyndatatyn ertegishil –  ájeńiz bolsa, árdaıym qol ushyn berer janashyr – baýyrlaryńyz bolsa, - bul ómirde siz eń baqytty jansyz. Sebebi,keı adamdar men balalar úıindegi balalar otbasynyń jylýlyǵyn sezbeı de , bilmeı de ósip keledi.

Ómir -  jan-jaǵymyzǵa jaqsylyq jasap, qýanysh syılaýmenen  qundy. «Syılyq alǵannan góri, syılyqty ózgege bergen jaqsy» demekshi, bul ómirde jaqsylyq jasaǵan saıyn ol ózińe Alladan eki ese bolyp qaıtady. Bul arqyly  biz ómir – býmerań ekenin túsinemiz.  Áıgili psıholog Vıktor Frankl da ómir mánin osylaı túsindiredi.

Ómir - ár shýaq shashqan kúnimizben qundy. El arasynda «Bir kúnim ótti degenshe, ómirimniń bir sáti ótti deseıshi» degen sóz bar emes pe?! Sondyqtan ár mınýtymyz, tipti ár sekýndymyz biz úshin baǵa jetpes qundy baılyq.

Ómir - biz ósip kele jatqan tabıǵatymyzben, tynysh beıbit ómirimizben qundy. Qorshaǵan orta – bizdiń ekinshi úıimiz, Anamyz! Tabıǵat bizdiń anamyz degendeı , biz,  sol tabıǵattyń bergen nárinen qýat alyp ósip kelemiz.

Ómir - biz jasap júrgen ıgi isterimizben qundy. Árbir is-áreketimiz – bizdiń bolmysymyz. Ol bizdiń júregimizben tyǵyz baılanysta. Júrek eshqashan aldamaıdy. Sebebi  Ábish Kekilbaev «Júrek – aqıqattyń mekeni» dep dál aıtqan.

Ómir - bizdiń súıispenshiligimizben jáne rızashylyǵymyzben qundy. Biz árbir atqan tańymyzǵa, árbir qýanyshty sátimizge alǵys aıtýymyz qajet. Qýanyshty sátterimiz, ómirdegi baqytty kezderimiz jadymyzdan óshpesi anyq. Óıtkeni  ol bizdiń ómirimizdegi qundy estelikterimiz. Sondyqtan árbir isti súıispenshilikpen jáne jaýapkershilikpen jasaýymyz qajet.  Sonda ǵana árbir jasaǵan isimiz sátti bolyp ,  nátıjeli bolmaq.

Ómir - úlken ómirde árbirimiz óz ornymyzdy qatelespeı anyqtap, taba bilýimizben qundy. Iaǵnı  biz mektepte alǵan bilimizdi joǵary oqý ornynda jalǵastyryp, ózimizge tıesili mamandyqty meńgerý. Sol mamandyqty atqarýda  tánimizben sezinip lázzat ala bilsek, halqymyzǵa adal qyzmet jasasaq, -  mine naǵyz ómirimizdiń shynaıy qundy máni bolmaq.

Ómir - Abaı Qunanbaev: «Adamzattyń bárin súı baýyrym dep!» dep aıtqanyndaı , bir-birimizge degen sheksiz meıirimizben qundy. Sebebi júregi meıirimge toly adam eshqashan qıanat jasamaıdy.

Ómir - bizdiń ómir súrip jatqanymyzben qundy. Bul ómirde bizdiń bar bolǵanymyzdyń ózi syılyq, ári baqyt emes pe?! Naq osy sátte men osy esseni jazyp otyrmyn. Mine, naǵyz baqytty sáttiń kórinisi ekeni, ol –aqıqat!

Qorytyndylaı kele, men ómirdiń ashysy men tushshysyn kótere bilý – keıbir damdarǵa qıyn soǵatynyn túsindim. Ómirimizdi mándi etý –ol árbirimizdiń qolymyzda. Sondyqtan:                                                                                                                                                                Aqyldy bolǵyń kele me - ózińdi jáne ózgelerdi túsinýdi úıren.
Súıikti bolǵyń kele me - ózińdi jáne ózgelerdi jaqsy kórýdi úıren.
Seni baǵalaǵanyn qalaısyń ba - ózińniń jáne ózgelerdiń eńbegin baǵalap úıren.
Dáýletti bolǵyń kele me - qolyńda barǵa qanaǵat et.
Erkin bolǵyń kele me - ózińe kerek emes adamdardy jiberýdi úıren, - degim keledi. Sol úshin ómirimizdi baǵalaı bileıik! Ómirimizdi meılinshe túrli - tústi boıaýmen boıap, jan - jaǵymyzǵa nurymyzdy tóge júreıik!

Ýmırzaq Móldir Jánibekqyzy
№52 M. Óztúrik atyndaǵy jalpy orta mekteptiń 9-synyp oqýshysy                                                                          

---