InfoHub Logo

H. Dosmuhamedov atyndaǵy Atyraý memlekettik ýnıversıtetiniń
jýrnalısıka mamandyǵynyń 3 kýrs stýdenti
Bımyrza Ábilqaıyr

Men kimmin? Arman-maqsatym qandaı? Bolashaǵym bulyńǵyr bolmas úshin talmaı eńbek pen tynymsyz qyzmet etkim keledi. Eń aldymen Jaratqannyń jumyr basty pendesimin. Meniń de óz arman-maqsatym bar. «Armansyz adam-ormansyz bulbul» demeı me? Armanym men maqsatym ushtasyp jatyr. Ózim qalaǵan mamandyqta ózim qalaǵan dárejede bilim alýdamyn. Maqsat aıqyn bolǵan jaǵdaıda armanyń asqaqtaı beredi. Mektep kezinde neshe túrli mamandyqty ıgerip, ár salaǵa ózińdi qoıyp kóresiń. Adam janynyń arashashysy dáriger bolýdy nemese bala janynyń baǵbany ustazdyqty janyńa serik etesiń. Meniń de aldyma qoıǵan arman-maqsattarym boldy. Mektep kezinde qazaq tili men ádebıeti pánin súıip oqydym. Sol qyzyǵýshylyǵymnyń negizinde túrli baıqaýlarǵa, aýdandyq, oblystyq pándik olımpıadalarǵa qatysyp, júldemen oraldym. UBT synaǵynda da esh oılanbastan qazaq ádebıeti pánin tańdadym. Oıdaǵydaı bal jınap, jýrnalısıka mamandyǵyna tústim. Qıyndyǵy men qyzyǵy mol jýrnalısıka mamandyǵynyń qyr-syryn bilip, sol salada qyzmet etkim keledi. Adam bolyp ómirge kelgennen keıin armandaý kerek. Maqsat qoıa bilý kerek. Arman-maqsatsyz, úmitsiz adam bolmaıdy. Eńseń túsip, jigeriń qum bolǵan kezde de ózińdi óziń qolǵa alyp, áreket etýdiń jolyn tabasyń. Ómirge ne úshin kelgenimdi bilmeımin deı almaımyn bilemin. Ómirdiń máni nede ekenin de túsinemin. Durys emes jaıttardy durys dep, durystardy burys dep boı bermeıtin kezderim de bolady. Jurtqa bir mineziń unasa, bir mineziń unamaıdy. Iaǵnı, bárine birdeı jaǵý múmkin emes. Jumys kóp, ýaqyt joq dep keıbir isterge erinshektik tanytamyz. Biraq, berilgen isti, ózime júktelgen mindetti ýaqytynda oryndaýǵa tyrysamyn. On páleniń toǵyzy tilden demeı me? Árbir aıtqan sózime saqtyqpen qaraımyn. Jurtty jamandap, asyra maqtaýdan aýlaqpyn.

Jer betinde qansha adam bolsa sonsha taǵdyr bar. Olarǵa ortaq  qasıet-olar adam, biraq ártúrli. Árkimniń óz qýanyshy men qaıǵysy bar. Ýaqyttyń ár sekýndynan lázzat alyp, mándi de sándi ótkizgenge ne jetsin?! Sen óziń kim ekenińdi bilesiń. Biraq ony qoǵamǵa dáleldeý qıyn.

Men kimmin? Eresek ómirge endi qadam basqan, myna ómirdiń jaqsylyǵy men jamandyǵyn aıyra qarap, adamdarǵa degen qarym-qatynasty ustaı alatyn, bolashaǵym úshin maqsat qoıǵan, armandaǵan, keleshegim úshin kemel is isteı alatyn adammyn. Qoǵamda óz ornymnyń bolýyn qalaıtyn tulǵamyn. Talpynys alǵa jeteleıdi. Talpynsa adam bıik shyńdy da baǵyndyrady.                

---