InfoHub Logo

Kolej sheńberinde bilim alý erte kásibı ózin jetildirýge, mamandyq ıgerýge, jumys ornyna ornalasýǵa jáne ary qaraı oqýdy jalǵastyrýǵa múmkindik beredi. Kolej memleket aldyndaǵy basty áleýmettik-ekonomıkalyq máselelerdi sheshýge kómektesedi, Qazaqstan Respýblıkasynyń damýshy ekonomıkasyna qajet orta sanattaǵy joǵary mamandandyrylǵan jáne joǵary jalaqyly kadrlardy daıyndaıdy.

«Ońtústik Qazaqstan gýmanıtarlyq-ekonomıkalyq koleji» jaýapkershiligi shekteýli seriktestigi – Ońtústik óńirindegi orta kásiptik bilim beretin tanymal oqý oryndarynyń biri. Kolejdiń ashylý tarıhyna úńiletin bolsaq, Qazaq hımıa-tehnologıalyq ınstıtýty janynan 1995 jyldyń 25 sáýirinen bastaý alyp, «Injenerlik-ekonomıkalyq kolej» degen atpen Ońtústik  Qazaqstan obylysynda  ashylǵan tuńǵysh jeke menshik orta kásiptik oqý orny.  Qazirgi tańda 2020 jyldyń 17 shildesinen bastap kolej dırektory qyzmetin ekonomıka magıstri Myrzasalıeva Ajar Serıkovna bilikti atqarý ústinde. Kolejdiń maqsaty – tehnıkalyq jáne kásiptik bilim berýde Qazaqstan Respýblıkasy boıynsha suranysqa ıe quzirettiligi joǵary maman daıarlaý bolyp tabylady. Kolej 2021 jyly sáýir aıynda ınstıtýsıonaldy jáne mamandandyrylǵan akredıtteýden 5 jylǵa ótti. Kolejde kelesi mamandyqtar boıynsha kadrlardy daıyndaıdy - «Bastaýysh bilim berý pedogıkasy men ádistemesi», «Mektepke deıingi tárbıe jáne oqytý», «Dene tárbıesi jáne sport», «Aýdarma isi», «Quqyqtaný», «Esep jáne aýdıt», «Avtomobıl kóliginde tasymaldaýdy uıymdastyrý jáne qozǵalysty basqarý», «Esepteý tehnıkasy jáne aqparattyq jeliler». Joǵaryda aıtylǵan mamandyqtar boıynsha memlekettik bilim berý granttary 125 orynǵa qarastylǵan. Kolejdiń materıaldyq-tehnıkalyq bazasy tolyqqandy jetkilikti bolýmen qatar, joǵary bilikti oqytýshylary tynymsyz eńbek etýde. Kolej týraly tolyq aqparatpen ukgek.kz saıtynan, Azhar_serikovna_ykgek ınstagramm  paraqshasynan tanysýǵa bolady.

Qazirgi tańda kolejde 571 stýdent bilim alýda. Kolej ujymy jańa ınovasıalyq tehnologıalardy paıdalanyp, Elbasynyń parasatty paıymdaryn negizge ala otyryp qarqyndy túrde básekege qabiletti, joǵary quziretti mamandardy daıarlaý ústinde. Jas mamandardy daıyndaýdaǵy sapaly bilim berý men qol jetkizgen jetistikterdi kórsetý úshin túrli kolej ishilik jarystar men olımpıadalar uıymdastyrady. Sondaı-aq, kolej sheńberinde debat klýby, sport pen jastar klýby (Jaıdarman), ózin-ózi basqarý, erkindik, qyzdar jáne uldar keńesi, oqýǵa qushtar top (toptar arasyndaǵy jarys), dene tárbıesi jáne sport mamandyǵy boıynsha volleıbol jáne fýtbol komandasy turaqty túrde uıymdastyrylady. Kolejde sapaly bilimmen qatar, rýhanı-adamgershilik pen tárbıege kóp kóńil bólinedi. «Tárbıesiz berilgen bilim adamzattyń qas jaýy, tárbıemen berilgen bilim – ólsheýi joq qazyna» - degen uranmen kolej ujymynda tárbıe men bilimdi qosa alyp júrý maqsatynda jumystar atqarylady.

---