OQO-da 120-dan astam sheteldik ǵalymdar qatysqan halyqaralyq konferensıa ótýde
Ońtústik Qazaqstan memlekettik ýnıversıtetinde «Óndiristik tehnologıalar jáne ınjınırıń» atty İİİ halyqaralyq konferensıa ótýde, dep habarlaıdy oblys ákimdiginiń baspasóz qyzmeti.
Aımaqtardyń áleýmettik-ekonomıkalyq damý perspektıvasy men ǵylymı-tehnıkalyq qyzmetterdiń nátıjelerin komersıalaý máseleleri qaralǵan konferensıaǵa oblys ákimi Janseıit Túımebaev, QR Bilim jáne ǵylym mınıstrligi men QR Parlamentiniń ókilderi, Italıa, Germanıa, Indonezıa, Amerıka Qurama Shtattary, Slovakıanyń shetel dıplomatıalyq qyzmet - elshilikteri men konsýldyqtarynyń ókilderi qatysty.
Tehnıka ǵylymdarynyń doktory, profesor, Qazaqstan Respýblıkasynyń eńbek sińirgen qaıratkeri, QR Ulttyq ǵylym akademıasynyń, QR Ulttyq ınjenerlik akademıasynyń jáne tabıǵat paıdalaný men halyqaralyq ekologıa akademıalarynyń akademıgi, Memlekettik syılyǵynyń laýreaty Bıshimbaev Ýalıhan Qozykeulynyń 70 jyldyǵyna arnalyp otyrǵan konferensıa jumysyna 46 elden 120-dan astam belgili ǵalymdar qatysýda.
Halyqaralyq konferensıada baıandama jasaǵan oblys ákimi eńbektiń eń úlkeni - Bilim ekenin atap ótip, jahandaný prosesi barysynda biz bilim sapasyna erekshe kóńil bólýimiz qajettigin nazarǵa aldy.
«Sońǵy jyldary respýblıkamyzda ǵylymnyń barlyq salalary úlken iri jetistikterge qol jetkizdi. Osy jetistikterge úles qosyp otyrǵan Muhtar Áýezov atyndaǵy Ońtústik Qazaqstan memlekettik ýnıversıteti ujymynyń orny bólek. Elimizdiń ǵylymı salasynda ýnıversıtet, kóptegen jyldar boıy joǵarǵy dárejege ıe bolyp keledi, kóptegen jetistikter men marapattary buǵan kýá. Bul, ǵylymı mektepterdiń ary qaraı damýynyń kepili. Búgingi ótkizgeli otyrǵan konferensıa osy ǵylymı mekteptiń negizin qalaýshy tehnıka ǵylymdarynyń doktory, profesor Ýálıhan Qozykeulyna arnalýda»,-dedi ákim.
Sóz sońynda J.Túımebaev «Óndiristik tehnologıalar jáne ınjınırıń» atty úshinshi halyqaralyq konferensıanyń jumysyna sáttilik tileı otyryp, ýnıversıtettiń barsha profesor-oqytýshylar quramyna aldaǵy eńbekterine shyǵarmashylyq shabyt, denderine saýlyq, otbasylaryna amandyq tiledi.
Konferensıanyń seksıa jumystary hımıalyq tehnologıalar, munaıhımıa, bıo - jáne nano tehnologıalar, qurylys, tamaq ónerkásibi men agroónerkásip kesheni, ekologıa jáne tabıǵatty tıimdi paıdalaný, «Astana EKSPO-2017» halyqaralyq arnaıy kórme formatyndaǵy jańartylǵan energetıka, energıany saqtaý jáne AT-tehnologıalardy damytýdyń perspektıvti baǵyttary boıynsha júrgizilýde.
You Might Also Like
-
Keshe OQO ákimi Janseıit Túımebaev Fransıanyń Qazaqstandaǵy Tótenshe jáne ókiletti Elshisi Fransıs Eten bastap kelgen bir top delegattarmen kezdesti, dep habarlaıdy OQO ákiminiń baspasóz qyzmeti.
-
Almaty oblysy, Talǵar aýdany, Dáýlet aýyly «Mektep jasyna deıingi shaǵyn ortalyǵy bar № 11 jalpy bilim beretin orta mektebi» memlekettik komýnaldyq mekemesi 10 «A» synyp ...
