Oqýǵa túse almaǵan jumyssyz jastardy jappaı aǵylshyn tiline oqytý josparlanýda
Búgin QR Úkimetiniń otyrysynda QR Densaýlyq saqtaý jáne áleýmettik qorǵaý mınıstri Tamara Dúısenova jumyssyz jastardy «Jumyspen qamtý» baǵdarlamasy aıasynda aǵylshyn tiline jáne kompúterlik saýattylyqqa oqytýdy usyndy.
«Biz oqýǵa túse almaǵan, oqý bitirgen soń jumysqa ornalasa almaǵan jastardy kompúterlik saýattylyqqa, aǵylshyn tiline jáne kásipkerlik negizderine úıretýdi usynamyz», - dedi T. Dúısenova.
Onyń ústine mınıstr, jastar tájirıbesi aıasynda beriletin jalaqyny 38 myń teńgeden 50 myń teńgege deıin joǵarylatýdy usyndy.
«Úshinshiden, UBT-nyń shekti deńgeıin ala almaǵan mektep bitirýshileri úshin kásibı jumysshy mamandyqtary boıynsha, jumys berýshilerdiń usynysymen tólenetin 12 aılyq oqytýdy engizý qajet dep sanaımyz», - dedi Densaýlyq saqtaý jáne áleýmettik damý mınıstri.
Onyń aıtýy boıynsha, atalǵan usynystardy qabyldaý úshin qajetti tıisti esepteý jumystary bir apta ishinde daıyn bolatynyn xabarlady.
«Taǵy bir usynys, texnıkalyq jáne kásibı bilim berý mekemelerine, kolejderge túse almaǵan jastardy elimizdiń Qarýly kúshterine tartý boıynsha jumysty Qorǵanys mınıstrligimen jasaqtaý qajet dep oılaımyn. Osynyń aıasynda qurylys batalóndaryn qurý tájirıbesin jandandyrýǵa bolar edi jáne sonyń aıasynda mamandarymyz jetpeı jatqan salalarǵa baǵyttaýǵa bolady», dedi T. Dúısenova.
You Might Also Like
-
El Ateneo Grand Splendid - Býenos-Aıreste ornalasqan álemde teńdesi joq kitap dúkeni.
-
Jıyrma bes qalaıy soldat bolypty. Báriniń de anasy bir qalaıy qasyq, aǵaly-inili baýyrlar edi. Bári de qarasa kóz toımatyn symbatty sulý bolatyn: báriniń de qyzyl ádipti mýndıri, ıyǵyna asqan mylty...
