InfoHub Logo

Kúnsiz planetamyzdaǵy ómirdi elestetý múmkin emes. Tańnyń atýy men kúnniń batýyn tamashalaǵandy jaqsy kórmeıtin jan joq shyǵar. Basqa planetalardan kún qalaı kórinetinin elestete alasyz ba? Ron Mıllerdiń (Ron Miller) jyldap qurastyrǵan ǵaryshtyq keńistiktiń sandyq sýretterine nazar aýdaryńyzdar.

Basqa 8 planetada Kún qalaı kórinetinin tómendegi sýretterden tamashalasańyz bolady.

 

Merkýrıı

^{© Ron Miller}  

Merkýrıı Kúnnen 60 mln shaqyrymda ornalasqan. Kún men Jer arasyndaǵy araqashyqtyqtyń 39%. Merkýrıde tańnyń atýy Jerge qaraǵanda 3 ese ashyǵyraq.

 

Sholpan

^{© Ron Miller}  

Sholpannan Kún 108 mln shaqyrymda ornalasqan. (Jer men Kún arasyndaǵy araqashyqtyqtyń 72%). Qoıý gazdy bulttardan Kún bulyńǵyr kúndegi daq sıaqty kórinedi.

 

Mars

^{© Ron Miller}  

Qyzyl planetadan Kún 230 mln shaqyrym uzaqtyqta ornalasqan. Jermen salystyrǵanda araqashyqtyq 1,5 ese kóp. Alaıda Kúnniń kórinýine araqashyqtyq emes, atmosferaǵa deıin kóteriletin shańdy jelder kedergi.

 

Iýpıter

^{© Ron Miller}  

Iýpıterdiń seriginiń biri, Evropadan Kúnniń kórinisi. Iýpıter men Kúnniń araqashyqtyǵy 779 mln shaqyrymdy quraıdy (bul degenimiz Kún men Jerdiń araqashyqtyǵynan 5,2 ese kóp). Kúnniń jaryǵy atmosfera qabattarynan ótip, qyzyl túspen jaryqtandyrady.

 

Satýrn

^{© Ron Miller}  

Satýrn eń tanymal planeta. Kún men Satýrndy 1,5 mlrd shaqyrym bólýde. (bizdiń planetamyz ben Kúnniń araqashyqtyǵynan 9,5 ese kóp).  Kúnniń sáýleleri sý krıstaldary men gazdardyń áserinen synyp, sáýle jıekteri men jalǵan kún sıaqty tamasha optıkalyq áserler týdyrady.

 

Ýran

^{© Ron Miller}  

Ýran seriginiń birinde, Arıelde tańnyń atýy sýyq bolǵanmen óte aýqymdy. Kún 2,8 mlrd shaqyrymda ornalasqandyqtan kúnniń jylýy kelmeıdi. Kún men Jerdiń araqashyqtyǵymen salystyrǵanda 19 ese kóp.

 

Neptýn

^{© Ron Miller}  

Trıtondaǵy Kúnniń kórinisi. Trıton Neptýn aılarynyń biri. Araqashyqtyq 4,5 mlrd shaqyrym (Jer men Kúnniń araqashyqtyǵynan 30 ese kóp).  Shań men gazdy alyp geızerlerden Kún jóndi kórinbeıdi.

 

Plýton

^{© Ron Miller}  

Eń alys ornalasqan planetadan Kún kishkentaı jarqyraǵan núkte bolyp kórinedi. Plýton men Kúnniń araqashyqtyǵy 6 mlrd shaqyrym. (Jer men Kúnniń araqashyqtyǵynan 40 ese kóp.) Plýtonda jaryq Jermen salystyrǵanda 1600 ese kúńgirt, biraq Jerdegi tolyq Aı jaryǵynan 250 ese jaryǵyraq.  

---