InfoHub Logo

Almaty memlekettik polıtehnıkalyq kolejinde ádiskeri
Dýısekova Gýlnar Ertishqyzy

Ǵylymı - konferensıanyń taqyryby: “Óshpes tarıh taǵylymy”

Maqsaty:
1. Ǵylymı - tájirıbelik konferensıasynyń maqsaty – bilim alýshylardyń Qazaqstan tarıhy boıynsha teorıalyq bilim deńgeıin jáne ádebı shyǵarmashylyq, kórkemsóz oqý sheberligin, til mádenıetin jetildirý.
2. Bilim alýshylardyń patrıottyq sezimderin qalyptastyrý, el tarıhy men ádebıeti boıynsha shyǵarmashylyq qabiletterin anyqtaý, zertteýshilik jáne jobalaý is - áreketterin damytý.
3. Táýelsiz Qazaqstan tarıhyn tereńdetip oqytý.

Ǵylymı - konferensıanyń kórnekiligi: Qazaq handyǵy týraly beıne jazba, slaıd, proektor, kompúter, úntaspa, kitaptar men qolóner kórmesi.

Konferensıa barysy
(Sahna syrtynda qobyz daýsy kúńirenip tartylady, sahna syrtynan jazylǵan daýyspen)
Vıdeo jiberiledi ( attyń dúbiri, kıiz úı).

Biz qazaqpyz!
Ejelden - aq qazaq bolyp atalǵan,
Qatal boldy ár kún, ár tún, atar tań
Kúıdirse de yzǵarly aıaz, jalyndy ot,
El bop keldik, qalyp qoımaı qatardan.
Keregimdi alý úshin jahannan,
Beıimdeldim zamanyma jańarǵan.
Sadaq tartyp, oq jonýdy úırenip,
Tárbıe aldym tálimi mol babamnan.

(Ekrannan kıiz úıdiń kórinisi, «Sultandar keńesi» degen jazý)

1 - júrgizýshi: (sahna syrtynan jazylǵan daýyspen)
Qazaq jerindegi saıası bytyrańqylyq ásirese Ábilqaıyrdyń bıligi tusynda óziniń sharyqtaý shegine jetti. 1456 - shy jyly Altyn Ordadan bólinip shyqqan Kereı men Jánibek Shý men Talas ózenderiniń arasyndaǵy aımaqqa ornalasyp, qazaqtyń týyn kókke kótergeni tarıhtan aıan.

Kórinis: «Sultandar keńesi»

/Kereı sultan men Jánibek sultan suhbat qurýda, úıge bir top aqsúıekter kiredi/
- Assalaýmaǵaleıkým, aǵalar.
- Ýaǵaleıkýmsalam, tórletińizder.

Aqsúıekter basshysy:- Biz bir mańyzdy máselemen kelip turmyz. Eldi beı – bereketsizdik basyp aldy. Han - ekem soǵystardy údetip, salyqty kóbeıtti. Áskerı daıyndyqsyz, batyrlardy qudalaý negizinde oırattardan jeńilgeni ózderińizge málim. Bólinetin kez kelmedi me eken?

Jánibek:- Ia, sózderińiz ras, hannyń qaharyna jergilikti sultandar men qarapaıym halyq ta iligip otyr. Óz aldymyzǵa el bolatyn kún keldi.

Kereı: - Bar qazaqty biriktiretin ýaqyt kelgenin halyq ta túsindi, sońymyzdan eredi dep senemin.

Jánibek:- Eldigimizdi saqtaý úshin týǵan jerden jyraqtaýymyzǵa týra keledi. Moǵol hany Esen Buǵa týysymyz dýlattardyń kómegimen han taǵyna otyrdy. Biraq baýyry Júnis Temir áýletimen odaqtasyp aǵasyna qarsy shyǵýda. Esen Buǵa inisine qarsy odaqtas izdeýde. Sonda jol tartsaq qaıtedi?

Kereı: Ia, kóshsek kósheıik. Sol jaqqa kóship baryp, Uly júzben birigeıik.
Sultandar: - Biz daıynbyz bastańyzdar kóshti. Biz sizdermen birgemiz.