InfoHub Logo

Otbasym – óz úıim daraboz otbasylyq saıysy
Maqsaty: Ata - analar men balabaqsha arasyndaǵy baılanysty nyǵaıtýǵa jáne bala men ata - ana arasyndaǵy qarym - qatynasty jaqsartý aıasynda, olardyń dene qozǵalystaryn jetildirip, salaýatty ómir saltyn berik ustanýǵa tárbıeleý.
Júrgizýshi: Qurmetti áriptester, ata - analar jáne balabaqsha búldirshinderi búgingi «Daraboz» otbasylyq estafetalyq saıysymyzǵa qosh kelipsizder! Saıysymyzdy bastamas buryn balabaqsha dırektory S. T. Abýlgartaevaǵa sóz kezegin beremiz.

Júrgizýshi: «Daraboz»otbasylyq saıysynda,
Jeńis úshin baǵyn syńap talasýda.
Saıysta ádil baǵa beretuǵyn,
Tanystyryp ótelik bir ádilqazyny da.
1. Balabaqsha dırektory Abýlgartaeva S. T
2. Balabaqsha ádiskeri Akjıgıtova Ý. M
3. Jańashyl pedagog Dýımbaeva R. A

Júrgizýshi: Ár kúndi nurly tańmen atyramyz,
Saıystyń ár bólimin baqylańyz.
Saıysqa qatysatyn ata - analardy,
4 topty otamyzǵa shaqyramyz.

1. Pedagog qyzmetkerler komandasy
2. Kómekshi tárbıeshiler komandasy
3. Tárbıeshiler komandasy

Endeshe saıysymyz 4 bólimnen turady.

Júrgizýshi: On kúndik is - sharasy «Aqbotada»,
Sáti túsip «Daraboz» atanǵaly.
Shymyr bolyp shynyqqan otbasy da,
«Tez júgir» qalyspaıyq bir - birimizden – dep I - bólimimiz
«Kóńildi máre» bólimin bastaıyq.

Oıyn sharty: Kedergiler arasymen, shashaqty qolǵa ustap, júgirip qaıtý.
1 - shi ákesi qolyna shashaqty ustap, kedergiler arasymen júgirip kelip, shashaqty anasyna qolyna ustatady. Anasy da osylaı júgirip, qolyndaǵy shashaqty balasyna ustatady. Qaı top birinshi kelse, sol top jeńiske jetedi.
(Quraldary: Keglıler, shashaqtar - 4)
Júrgizýshi: I bólimimizdiń baǵalaryn berelik.

Júrgizýshi: Kóńil qoıyp qaraıyq,
«Daraboz» otbasylyq saıysyn.
Shynyǵaıyq bárimiz,
Estafetalyq saıystan - dep II - bólimimiz «Jyljymaly sheńber»

Oıyn sharty: Sheńberdi alǵa jyljytý arqyly, mejeden aınalyp keri qaıtý.
(Quraldary: Krýgtar - 8, geometrıalyq pishinder.)
Júrgizýshi: II - bólimimizdiń baǵalaryn berelik.
Júrgizýshi: Biz baqytty januıa,
Júgirip, sekire alamyz.
Kók aspannyń astynda,
Bıikke ushyp samǵaımyz deı otyra, III - bólimimiz «Tenısshi otbasy» saıysyn bastaımyz.
Oıyn sharty: Tenıstiń taıaǵymen ýaq dopty domalatý arqyly, mejeden aınala keri qaıtý. Oıyn ári qaraı osylaı jalǵasa beredi.
(Quraldary: Tenıstiń taıaǵy - 4, ýaq dop - 4, kedergi - 8)
Júrgizýshi: III bólimimizdiń baǵasyn berelik.
Júrgizýshi: Endeshe sońǵy bólimimiz «Kim shapshań» saıysyn bastaımyz.
Oıyn sharty: Ata - analary qoldaryn aıqastyryp, ortasyna balalaryn otyrǵyzyp, mejeden aınalyp júgirip qaıtý.

Júrgizýshi: Sońǵy bólimimizdiń baǵalaryn berelik.
Ádilqazy ornyqtyrar ádildikti,
Otbasylar myqtylyǵy anyqtaldy.
«Daraboz» otbasylyq saıysynda,
«Sportshy» atanǵan otbasy naǵyz myqty - dep ádilqazylarǵa sóz kezegin beremiz.
Jarysqa qatysqan otbasylardy madaqtap, marapattady. Osymen búgingi otbasylyq saıysymyz óz máresine jetti. Qosh saý bolyńyzdar!

Mańǵystaý oblysy, Túpqaraǵan aýdany,
fort - Shevchenko qalasy, Baýtıno aýyly
"Aqbota" balabaqshasynyń dene shynyqtyrý nusqaýshysy A. E. Ermekbaeva
«Aqbota»balabaqshasynyń ádiskeri U. M. Akjıgıtova