InfoHub Logo

«Sánqoı túlki» ertegisi
Avtor: Erte, erte zamanda bir qý túlki ómir súripti. Ol túrli - túrli kóılekter tige biletin sheber bolypty. Biraq tikken kóılegin tek ózi ǵana kıedi eken. Bir kúni arystannyń týǵan kúni bolatynyn habarlaıdy. Ormandaǵy barlyq ańdardy shaqyrady. Týǵan kúnge baraıyn dese, ádemi kóılekteri bolmaıdy. Túlkiniń kıim tigetinin biletini ańdar, sánqoı túlkiniń esigin qaǵady.
- Qoıan: Sálemetsiz be, Túlkijan, sizge bir ótinishim bar edi, toıǵa barǵaly jatyr edim. Maǵan ádemi kóılek tigip bershi.
- Túlki: Joq janym, qolym bos emes - deıdi.
- Avtor: Sóıtip túlki qýlyq jasaıdy. Qoıan renjip ketip qalady.
- Avtor: Túlkiniń esigin aıý qaǵady.
- Aıý: Sálem túke, iske sát! Kóılegim eskirip qalyp edi, maǵan kóılek tigip bershi,- deıdi.
- Túlki: Toıǵa ketip baramyn. ýaqytym joq dep, shyǵaryp salady.
- Avtor: Sálden soń túlkiniń úıine qasqyr men jolbarys keledi.
- Qasqyr: Sálemetsiz be Túlkijan. Bizdiń saǵan aıtar buıymtaıymyz bar edi. Kıgen kóılekterimiz eskirip qalyp edi, bizge kóılek tigip bere alasyz ba? Erteń arystannyń týǵan kúnine baratyn edik.
- Túlki: Tisim aýyryp turǵanyn qarashy - dep aldaıdy.
- Avtor: Ertesine arystannyń týǵan kúnine barlyq ańdar jınalady.(Áýen qosylyp, ańdar bı bıleıdi).
- Avtor: Túlki úıinde bylaı júredi, bylaı júredi. Ábden ishi pysqan túlki sándenip, sylanyp ádemi kóılegin kıip týǵan kúnge barady.
Túlkini barlyǵy mensinbeı, qatarǵa qospaıdy.
- Aıý: Sen keshe bizge ádemi kóılek tigip bere almaımyn dep ediń ǵoı. Qaı betińmen kelip tursyń sen endi.
- Jolbarys: Ózine qarashy sándenip kıinip alypty. Aýyryp jatyrǵanyń káne - deıdi.
- Barlyq ańdar: Iá, ıá solaı edi ǵoı.
- Qoıan: Endi seni qatarǵa qospaımyz!
- Barlyq ańdar: Iá, ıá qospaımyz!
- Arystan: Qanekeı daýlaspaı, týǵan kúndi toılaýdy jalǵastyra bereıik!
- Qoıan: Endeshe oıyn oınaıyq onda. Birinshi oıynymyz «Kim mergen» oıyny.
Sharty: Myna ilinip turǵan taqtaıshadaǵy ilmekke sheńberdi laqtyramyz. Kim kóp sheńberdi taqtaıshaǵa ilse, sol jeńiske jetedi. (Oıyn oınalady).
- Arystan: Túkejan sen bizderge birdeńe aıtqyń kelip turǵan sıaqty.
- Túlki: Iá, Aseke. Men sizderden keshirim suraǵym kelip tur. Endi senderdiń buıymtaılaryńdy buljytpaı oryndap berýge ant beremin. Sizdermen dostasqym keledi. Týǵan kúndi sizdermen birge toılaýǵa ruqsat etesizder me?
- Arystan: Endeshe dostar ne isteımiz? Túlkini keshiremiz be?
- Avtor: Barlyq ańdar keshirip, qol ustasady.
- Qoıan: Endeshe ekinshi oıynymyzdy oınaıyq!
- Barlyq ańdar: Oınaıyq, oınaıyq!
- Qoıan: Oıynnyń aty «Orynǵa talasý»- dep atalady.
Sharty: Oıynǵa qatysýshy alty ań. Endeshe ortaǵa bes oryndyqty qoıamyz. Sol oryndyqty aınala bılep, áýen toqtaǵan kezde, oryndyqqa talasa otyra qalýymyz kerek. Otyra almaı qalǵan ań, oıynnan shyǵady. (Oıyn oınalady).
- Arystan: Al dostarym, búgingi týǵan kúnimdi jaqsy ótkizdińizder! Senderge rahmet aıtamyn. Endeshe barlyǵymyz birge dos bolyp, dostyǵymyz eshqashan buzylmasyn. Endeshe «Dostar» ánin aıtaıyq.
- Avtor: Sol kúnnen bastap ormandaǵy barlyq ańdar bir - birimen tatý - tátti ómir súripti.

Ertegi keıipkerler: Avtor: Dýımbaeva R. A
Túlki: Saktaganova S. K.
Qasqyr: Qosaeva B. K.
Arystan: Togaeva A. Ý.
Qoıan: Ermekbaeva A. E.
Aıý: Doshımova J. K.

Mańǵystaý oblysy, Túpqaraǵan aýdany,
Fort - Shevchenko qalasy, Baýtın aýylynyń
"Aqbota" balabaqshasynyń dene shynyqtyrý nusqaýshysy
Ermekbaeva Amankýl Ersaıynovna