InfoHub Logo

Tárbıe saǵaty taqyryby: « Otbasymmen birgemin».

Bilimdilik: Otbasy týraly túsinikterin molaıtý.

 «Otan otbasynan bastalady», «Otbasy –oshaq qasy» maqaldarynyń maǵynasyn ashý. Otbasy  músheleriniń arasyndaǵy syılastyqqa, izettilikke, qaıyrymdylyqqa, baýyrmaldyqqa tárbıeleý. Oqýshylardy ata-anany syılaýǵa, qurmetteýge tárbıeleý.

 Damytýshylyq: Este saqtaý qabiletin, oı órisin, til baılyǵyn, sózdik qoryn damytý.

Tárbıelik: Oqýshylarǵa    ımandylyq, ınabattylyq  qasıetterin boıyna sińire ósirý. Adamgershilik qasıet darytyp, tanymyn keńeıtý.

 

Kirispe: Balalar, búgingi sabaǵymyz otbasy qundylyqtary týraly bolmaq. Ár adam ómirge kelgende eń aldymen eń meıirimdi, jyly júzdi anasyn kóredi. Qanattyǵa qaqtyrmaı, tumsyqtyǵa shoqtyrmaı baýyryna basyp, shyr-pyr bolatyn –Ana. Ana tárbıesi-qyzǵa úlgi, áke tárbıesi-ulǵa úlgi. Ana-aqylshyń,ákeń-qamqorshyń, Otbasyń-qorǵanyń, baýyrlaryń-tiregiń bolady.  Júsip  Balasuǵyn otbasy tárbıesi týraly bylaı degen eken:

«Qatty tártip kórse bala kúninde,

Ónerimen qýantady túbinde.

Bala neni bilse jastan uıadan-

Óle -ólgenshe sony tanyr qıadan.

Óner-bilim berem deseń basynan,

Ber oqýǵa balalardy jasynan.

 Ata-anadan ósip urpaq taraǵan,

Jaqsy, jaman bolsa, bala –solardan».

Otbasy-adam tárbıesindegi eń jaqyn áleýmettik orta. Otbasy balanyń azamat bolyp ósýiniń negizi bolyp tabylady.Otbasynyń basty qyzmeti-bala tárbıeleý. Otbasy belgili dástúrlerdiń,salt-dástúrlerdiń saqtaýshysy. Otbasynda bala alǵash ret ómirmen, qorshaǵan ortamen tanysyp, minez-qulyq normalaryn ıgeredi. «Ónege otbasynan» demekshi , halyqtyq tálim-tárbıeniń bastaýy otbasynyń ómirinde jatyr.

 İ bólim. Kezekti maqal-mátelge bereıik. 

«Áke-asqar taý, ana-qaınar bulaq,  bala-.......»,

«Alty aǵa birigip áke  bolmas, jeti jeńge birigip ......»,

«Ata-báıterek,bala-.......»,

«Ananyń kóńili balada, balanyń............»,

«Aǵaıyn altaý, ana -........»,

« Ákesin syılamaǵan kisini balasy .......»,

«Ákege qarap ul ósedi, sheshege qarap ..........  .

Kezekti  ánge  bereıik.

«Áke-Ana» áni. Dilnaz Syrymjanqyzy

2-bólim.

Endigi kezekti balalarymyz daıyndap kelgen óleń joldaryna beremiz.

1-oqýshy

Ata-baba ardaqtaǵan,

Jamandyqqa barmaǵan.

Ardaq tutyp úlkendi,

Ata jolyn jalǵaǵan.

2-oqýshy

Sizsiz áke-eń aqyldy, eń shynshyl,

Sizsiz áke-eń jaqynym,eń syrshyl.

Shýaq shash   an qashanda asyl júregiń,

Janymdasyń, qamqorymsyń bilemin.

3-oqýshy

Kim senderdi,balalar, terbetetin,

Erkeletip oınaıtyn, sergitetin?

Jalqaý bolsań, balalar, jaman bolsań,

Qamqor anań kóz jasyn kóldetetin.

4-oqýshy

Ortaq bolyp isimiz,

Eńbek dese tynbaımyz.

Úlken syılap kishini,

Aǵa aqylyn tyńdaımyz.

5-oqýshy

Ózim jaqsy balamyn,

Ana tilin alamyn.

Sý ákele ǵoı dese,

 Sý ákele salamyn.

Ózim jaqsy balamyn,

Ana tilin alamyn.

Meıli qaıda jumsasa,

Bárine de baramyn.

 

3-bólim   Otbasy músheleriniń qaısysyna qatysty ekendigin belgileý.

A T A                       Til alǵysh.

Áje                           Ata ananyń qolǵanaty.

B A L A                    Aqyl aıtýshy.

A N A                        Bar balany súıetin.

 Á K E                        Nemerege ertegi aıtatyn.

N E M E R E              Árqashan saǵan qamqor bolatyn.

 

4-bólim     Yrym –tıymdardy qanshalyqty kóp bilemiz eken? Kezekti yrym-tıymǵa bereıik. Otbasymyzda jıi qoldanysta júrgen .

1. Qudyqtaǵy sýǵa túkirme.

2. Itke ojaýmen as quıma.

3.Aqqýdy atpa.

4. Bosaǵaǵa kerilme, tabaldyryqty baspa.

5. Belińdi taıanba, tabanyńdy tartpa.

6. Otqa sý quıma, túkirme.

 

 Otbasynda áýeli senim men sezim, súıispenshilik pen syılastyq bolsa, qandaı jaǵdaıda bolmasyn ómirdiń ashysy men tushshysyn, sýyǵy men ystyǵyn, qaıǵysy men qýanyshyn birge bólisip baqytqa jete alady dep búgingi tárbıe saǵatymyzdy aıaqtaımyz.   

Oblystyq týberkýlez-sanatorıasy mektep-ınternatynyń tárbıeshisi Manargúl  Shekeqyzy Elshebaeva

---