InfoHub Logo

Siz balalaryńyz oınap júrgen oıynshyqtardyń shyǵý tegi men nelikten olardyń keıbireýi sonshalyqty tanymaldylyqqa ıe bolǵany týraly oılanyp kórdińiz be? Álemde eń qymbat keıipker qansha turatynyn bilesiz be? Biz tómende osy jáne basqa da suraqtarǵa jaýap berýge, sonymen qatar aıryqsha derekterdi berýge tyrystyq.

Io-ıo álemniń eń ejelgi oıynshyqtarynyń ishinde 2-shi oryndy alady, al birinshi oryn qýyrshaqtarǵa tıesili. Io-ıo oıynshyǵyn bizdiń eramyzǵa deıin ejelgi Grekıada oılap tapqan. Ol ózara osteri arqyly baılanysqan eki dıskten turady, olardyń ortasyna arqan baılanǵan. 

«Monopolıa» – eń tanymal ekonomıkalyq oıyndardyń biri, ony 1932 jyly esh jerde jumys istemeıtin Charlz Berroý oılap tapqan. Býffalolyq klýbtyń músheleri sý astynda oınaý uzaqtyǵy boıynsha absolúttik rekord ornatqan, ol 1080 saǵatqa sozylǵan. Rekord 1983 jyly tirkelgen. 

Alǵashqy púlish aıý 1894 jyly paıda boldy. Bul aqparat onyń tabanyna tigilgen japsyrmamen rastalady. Tańqalarlyq jaıt, alaıda alǵashqy púlish aıý áli kúnge deıin bir otbasynda ómir súrip keledi.

Eń qymbat keıipker – Mıkkı Maýs, ol 1939 jyly shyǵarylǵan. Bul qýyrshaq 1998 jyly bir aýksıonda 83,5 myń dollarǵa satylǵan. Satylǵan músin Mıkkı Maýstyń qazirgi bar túr-tulǵasynan túbegeıli túrde erekshelenedi. Oıynshyqtyń qoldary uzyn, bet-álpeti de basqasha jáne qulaqtary da sol tıptegi zamanaýı oıynshyqtardaǵydaı emes, basqasha ornalasqan.

Eń alǵashqy balalar oıynshyǵy – «Kartop bas», onyń jarnamasy 1952 jyly teledıdar arqyly kórsetilgen. Birinshi jyly 4 mıllıonǵa jýyq jıyntyǵyn satýǵa qol jetkizgen. 

Kýbık Rýbıkti Vengrıada músinshi bolyp jumys isteıtin Erno Rýbık oılap shyǵarǵan. Álemde osyndaı kýbıkterdiń 300 mıllıonǵa jýyǵy satylǵan. Eger olardyń barlyǵy bir qatarǵa tizip qoıatyn bolsaq, onda olar Soltústik polústen Ońtústik polúske deıin sozylady eken.

Barbı qýyrshaǵyn jasap shyǵarýshy – Rýd Hendler ony óz qyzynyń qurmetine ataǵan, al Ken ataýy ulynyń qurmetine qoıylǵan. 

Álemdegi eń tanymal qurastyrýshynyń uıymy – Lego shamamen 320 mıllıardtaı tetikterdi satylymǵa shyǵarǵan. Bul degenimiz, árbir adamǵa 52 tetikten keledi degen sóz.

Álemdegi eń iri shına óndirýshi – Lego kompanıasy. Jyl saıyn shamamen 120 mıllıondaı kishkentaı shınalar shyǵarady.

AQSH Qaýipsizdik Agenttigi mekeme aýmaǵyna «Ferbı» aparýǵa tyıym saldy. Elektronıka mamandary, bir qaraǵanda zıansyz bolyp kóringen oıynshyq qupıa kelissózderdi tyńdap turyp, sosyn ony basqa jerde aıtýy múmkin ekendigin aıtady. Alaıda «Ferbı» - kúlkili úlpildek kishkene ań aǵylshyn tilinde kem degende 100 sóz aıtýǵa ǵana múmkindigi bar.

---