InfoHub Logo

Zamanaýı jahandyq ekonomıkanyń alpaýyttarynyń biri Samsung ónerkásiptik tobynyń tarıhy, 1938 jyly  Koreı elinde bastaldy. Tegý qalashyǵynyń isker turǵyny saýdager Bong Chhýl Lı óz kásibin keńeıtýge sheshim qabyldap, qytaılyq seriktesterimen birge kúrish saýdasymen aınalysatyn fırmanyń negizin qalaıdy. İsi ońǵa basyp, kompanıa qyzmettiń barlyq jańa salalaryn ıgerip, shtaty ulǵaıdy, al 1948 jyly kásiporynnyń ataýyn Samsung Trading Co dep ózgertti.

 

Kúrishten góri jartylaı ótkizgishter jaqsy
Fırma tarıhyndaǵy naǵyz sharyqtaý kezeńi 1969 jyly, ol japonıanyń Sanyo kompanıasymen birlese Ońtústik Koreıada aq-qara tústi japon teledıdarlaryn qurastyrý boıynsha seh ashqan ýaqytta oryn aldy. Osylaısha 1973 jyly Sývon qalasynda ár túrli turmystyq elektronıkalardyń tolyqqandy aýqymdy óndirisi jolǵa qoıyldy, al birlesken kásiporyn tolyǵymen Samsung Trading Co kásipornynyń baqylaýyna ótip, Samsung Electronics korporasıasyna aınaldy. 
Turmystyq elektronıka naryǵyndaǵy óz qyzmetin eń basynan bastaǵan Samsung Electronics birneshe jyldan keıin bul naryqty eleýli oryn ala bastady. Jabdyqtaýǵa Sanyo tehnologıasyn alyp, keıinnen jartylaı ótkizgishter óndirisine turaqtala otyryp, korporasıa ýaqyt óte kele álemdegi iri ári tanymal elektronıka óndirýshilerdiń birine aınaldy.

Búgingi kúni Samsung bólimsheleri birlese áreket etpeıtin ónerkásip salasyn tabý ońaıǵa soqpas. Bul brend túrimen barlyǵy derlik óndiriledi: qysqa tolqyndy peshter men tosterlerden bastap sandyq fotokameralar men stereojúıelerge deıin, avtomobılderden bastap muhıt kemeleri men ushaqtarǵa deıin. Ońtústik Koreıanyń ishki naryǵynda Samsung Group qarjylyq operasıalarmen de, saqtandyrý jáne kúzet qyzmetimen de aınalysady, nátıjesinde el búdjetiniń 50%-ynan astamyn qalyptastyrady. Korporasıanyń búkil álemdegi ókildikterinde jarty mıllıonǵa jýyq jumysshylar eńbek etedi, al Samsung Electronics-tiń shtab-páteri ornalasqan ońtústik koreıalyq Sývon qalasyn burynnan-aq «Samsýng-Sıtı» dep ataıdy.

Ataýynyń maǵynasy
Samsung (samson dep oqylady) sóziniń shyǵý tegi týraly bir maǵynaly nusqasy joq, alaıda koreı tilinen aýdarǵanda «úsh juldyz» degendi bildiredi degen nusqasy kóbirek taralǵan. Korporasıa ataýynyń tańdalýy kompanıanyń negizin qalaýshy Bong Chhýl Lıdiń úsh ulyna qatysty bolýy múmkin, olardyń biri Kýn Hı Lı qazirgi ýaqytta ónerkásiptik topty basqarady. 
Aıtpaqshy, kompanıanyń erterektegi logotıpterinde dál sol úsh juldyzdyń sýreti bar bolatyn. Alaıda 1993 jyly Samsung bastapqy logotıp halyqaralyq korporasıanyń bet-beınesine saı kelmeıdi dep sanap, ony aýystyrýǵa sheshim shyǵarady. Mine dál sol ýaqytta qazirgi ýaqyttaǵy bizdiń kózimiz úırengen – serpile ıilgen kók elıpstiń ishine fırma aty jazylǵan tanymbelgi jaryqqa shyqty. Tamasha dızaın men aýqymdy jarnamalyq naýqan óz jumysyn oryndady: logotıp álemdegi eń tanymaldylardyń birine aınaldy. Aldyńǵy qatarly joǵary oqý oryndarynyń jarnamalaýshy-stýdentteri búgingi kúni Samsung logotıpin aýystyrýdy naǵyz sátti shyqqan rebrendıng retinde qarastyrady.

Jańa tanymbelgini jasaý kezinde shyǵys fılosofıasy da shet qalǵan joq. Samsung marketologtarynyń nusqasy boıynsha, «logotıptiń elııpstik pishini únemi jańarý men jetildirý ıdeıasyn kórsete otyryp, keńistiktegi álemdik qozǵalysty bildiredi».

Fotosúıgishtik
Áýesqoı fototehnıka naryǵyna shyǵý kóptegen tabys ákelýi múmkin ekendigi týraly Samsung Electronics-tiń bıznes-strategteri 1970-jyldardyń ortasynda oılana bastady. Sol oı jeteginiń nátıjesi – 1979 jyly alǵashqy Samsung fotoaparattary paıda bola bastady. SF-A úlgisiniń aıqyn keskin beretin qabileti bolǵan joq: ol jaı ǵana jarqyldaǵy bar jaqsy «aıǵyzdaǵysh» boldy, ony bári paıdalana alatyn. Alaıda kompanıa tehnıkalyq sheberlik jasaýǵa umtylǵan da emes – basty mindet tutynýshy halyq úshin qarapaıym fotokamera óndirý bolatyn. Jáne de tutynýshy buqara halyq qyzyǵýshylyqpen qabyldady, óıtkeni Samsung-tyń alǵashqy kameralary óz toby úshin asa qymbat emes, basqarýǵa barynsha senimdi jáne qarapaıym bolatyn.
Shaǵyn Samsung fotokameralarynyń odan ári damýy fototehnologıanyń damýymen qatar júrdi: barynsha qýatty jarqyldaqtar, úldirdi oryndaýǵa arnalǵan motorlar, DH-kodtardy avtomatty túrde sanaý fýnksıasy, «kózdiń qyzarýynan» saqtaý júkteletin qyzyl lampalar, sonymen qatar tolyqqandy avtofokýs jáne aınymaly fokýstik araqashyqtyǵy bar obektıvter – zýmdar paıda boldy. Samsung ónimi barlyq osy jańalyqtarmen damı otyryp, basqa kameralardyń arasynda asa erekshelene  de qoıǵan joq, alaıda fýnksıonaldylyǵy men sapasy jaǵynan osy saladaǵy aldyńǵy qatarly taýar óndirýshilerdiń «bir klassty» úlgilerinen artta qalǵan emes.
Áýesqoılyq jınaqty jetildire otyryp, Samsung ınjenerleri joǵary klassty optıkany paıdalanbaıynsha naqty sapaly keskin alý múmkin emestigin jaqsy túsindi. Óndiristi qaıtadan jaqsy optıkalyq áınekten bastaý – úlken qarjylyq jáne ıntellektýaldyq resýrstardy talap etetin tótenshe mashaqaty kóp jumys boldy. Nátıjesinde Samsung kompanıasy basqa joldy tańdady: 1995 jyly nemistiń optıka shyǵaratyn Schneider-Kreuznach konsernimen seriktestik kelisim jasady, obektıvtiń opravasynda shyǵarylǵan onyń ataýy fotografıamen tanys kez-kelgen adamǵa sapa kepildigi bolyp tabyldy. Sodan beri Samsung fotokameralarynyń barlyq top-úlgileriniń obektıvterinde nemis álipbıi áripteriniń aıtylýy qıyn tirkesi paıda boldy.
Árıne, eshkim de bul obektıvterdi Germanıada jasaǵan joq jáne koreı kameralaryna olardy bekitip orap qoıǵan joq. Fırmalyq «shnaılerlik» optıkanyń óndirisi Samsung zaýyttarynda lısenzıa boıynsha jáne nemis konserniniń aıqyn qadaǵalaýymen jolǵa qoıyldy. Biz biletindeı, japondyqtar da sandyq dáýirge osyndaı jolmen keldi: Leica AG-men kelisim jasaǵan Panasonic kompanıasy jáne Carl Zeiss optıkasyn keńinen qoldanatyn Sony korporasıasy. 

Eń qyzyǵy, Samsung kompanıasy 1990 jyldardyń sońynda aınaly kameralar býynynda Schneider-Kreuznach optıkasymen óziniń alǵashqy avtofokýstyq emes Samsung SR4000 aınasyn shyǵaryp, «kóshbasshy bestikpen» (ol kezderi aldyńǵy qatarly fototehnıka óndirýshi japon fırmalary atalatyn: Canon, Nikon, Olympus, Minolta jáne Pentax) básekelesýge tyrysqany.
Kamera jaman bolǵan joq, basqarýy aldyn ala oılastyrylǵan jáne korpýsy «ustaýǵa ıkemdi», al Schneider optıkalyq syzyqshasynda, shtattyq elýlikten basqa, aınymaly fokýstyq araqashyqtyǵy bar úsh obektıv qamtylǵan. Alaıda, aıqyn qundylyǵyna qarastan, fotoaparat qandaı da bir aıqyn qyrymen erekshelengen joq, sondyqtan aty jaqsy shyqqan fotoóndirýshilerdiń ónimderi arasyna «enip ketti». Samsung kompanıasy fotonaryqta áli kúnge deıin áýesqoı jınaqy-kameralardy óndirýshi retinde ǵana qabyldanyp keldi. Osylaısha, «úldir dáýiriniń» sońyna qaraı Reseıdiń barlyq jerinde Samsung úlgileriniń úsh fotokamerasy satyldy. Birinshisi, eń qarapaıymy – f/4.5 jaryq kúshi bar 30 mıllımetrlik tıanaqtalǵan obektıvimen, jarqyldaǵy bar jáne úldiri avtomatty túrde oralatyn Fino 40s. Ekinshisi, barynsha fýnksıonaldysy – optıkalyq transfokatory bar, 35-ten 70 mm-ge deıingi fokýstyq araqashyqtyqty qamtıtyn Vega 700. Jáne úshinshisi, eń «jańasy» – ámbebap zým-obektıvi 28-90 mm fokýstyq araqashyqtyqtan oqı alatyndaı negizgi ereksheligi bar jáne ustalymdy qolmen (bulb) basqarý múmkindigi mundaı kamera úshin kúmándi Vega 290W. Aıtarlyqtaı fotoóndirýshilerdiń qatarynan tabylý úshin, bunyń jetkiliksizdigi aıqyn ekendigi ras qoı. Alaıda, biz qazir kórip otyrǵanymyzdaı, ol kezde Samsung kompanıasynyń keleshegi áli alda boldy.

Sandyq fılosofıa
«Samsung Electronics» kompanıasy ózin «Revolúsıalyq sandyq jýyqtaý dáýiriniń» kóshbasshysy retinde kóredi; bizdiń mindetimiz – bizdiń kompanıany sandyq – Digital-ε Company kompanıasyna aınaldyra otyryp, osy kórgenimizdi shyndyqqa aınaldyrý – korporasıanyń resmı saıtynda Samsung Electronics fılosofıasynyń máni osylaı tujyrymdalǵan. Bul fılosofıany ómirde óz qyzmetiniń barlyq salalarynda, sonymen qatar fototehnıka óndirisinde de, júzege asyrýdy kompanıa 1990 jyldarda bastaǵan.
1994 jyly halyqqa salystyrmaly túrde shaǵyn Samsung SSC-410N sandyq fotokamerasy usynyldy, ol pishini boıynsha zamanaýı dúrbini nemese kishigirim vıdeoproektordy eske salatyn, ol 768 h 484 pıkseldik anyqtyǵy bar 1/3-dúımdik SSD-matrısamen, 40-120 mm-lik fokýstyq araqashyqtyqqa saı zým-obektıvpen jáne kólemi 4 MB bolatyn kiriktirilgen jady modýlimen jabdyqtalǵan. Alaıda bul qurylǵy óndiriske tek 1997 jyly jiberildi, al budan bir jyl buryn fotodúkenderde Apple jáne Fujifilm brendteri boıynsha shyǵarylǵan, barynsha dástúrli qurylymdaǵy shaǵyn sandyq kamera – Samsung Kenox SSC-350N paıda boldy. 
Kenox SSC-350N-da keskinderdi tirkeýge 640 h 480 pıkseldik anyqtyǵy bar CCD-matrısa jaýap beredi, aqparat SmartMedia pishinindegi salynbaly jady kartasyna jazylady. Al qalǵan máselede apparat óz kezeńi úshin barynsha qarapaıym bolatyn: plasık korpýsy, 38 mm fokýstyq araqashyqtyqqa saı jınaqtaıtyn obektıvi, ¼-ten 1/5000-ǵa deıin ustalym dıapozony jáne bir ǵana múmkin bolatyn jaryqqa sezimtaldyq máni – ISO 100 birligi. Esesine bul quny $1000-dan tómen bolǵan sandyq fotoaparattardyń alǵashqylarynyń biri boldy, sondyqtan Kenox SSC-350N kompanıanyń jeke menshik ónimi bolmaǵan degen eskertpemen, Samsung-ty sandyq fototehnıka óndirisiniń pıoneri dep senimdi túrde aıtýǵa bolady.
Komersıalyq jetistikten naqty úmitker bola alatyn Samsung sandyq jınaqtamalarynyń modeldik ónimderi alǵash PMA 2002 kórmesinde tanystyryldy.  
3 eseli zýmy bar 2-megapıkseldik Samsung Digimax 230 sandyq jınaqtamasy modeldik tizbekti bastady, odan keıin 3-megapıkseldik Digimax 340, onyń sońynan – odan sál fýnksıonaldy, 3-megapıkseldik qurylǵymen jabdyqtalǵan Digimax 350SE kele jatty, al bul tizimdi 4-megapıkseldik Digimax 410 aıaqtaıdy.
2004 jyly qazan aıynda gadjet súıer qaýym Samsung Electronics kompanıasy álemdegi eń alǵashqy matrısasynyń anyqtyǵy 5-megapıksel bolatyn kamerofon shyǵarǵanyn qýana esip jatty, al kelesi kóktemde 7-megapıkseldik kamerasy bar alǵashqy koreı telefony shyǵaryldy. Alaıda shyn máninde fotokamera óndirý isinde bári tamasha bola qoıǵan joq: olar jetildirildi, biraq áli de kóptiń biri bolyp qala berdi. Koreı korporasıasy týraly erekshe fotoóndirýshi retinde aıtylýy úshin, aıqyn, naǵyz  jańashyl ónim shyǵarý qajet boldy. Mundaı ónimdi, shyndyǵynda – olardyń serıalaryn shyǵarýǵa, Samsung Electronics mamandary 2005 jyly kiristi.

Shokoladty ınterfeıs
Kóptegen marketıńtik zertteýler júrgizilgennen keıin «arman bolǵan kamerany» ázirleýshi top áleýetti tasymaldaýshylardyń úsh negizgi pikirin nazarǵa aldy:
-    men fototúsirilim týraly eshnárse bilmeımin, biraq báribir de kásibı maman retinde kóringim keledi;
-    maǵan juqa ári ádemi dızaın unaıdy;
-    fotokamera óz taǵaıyndalymy boıynsha saqtalymdy.
Basqasha aıtqanda, olardyń aldynda sizdiń qolyńyzda fotoaparattyń naq ózi ekendigine eshkimniń kúmánin týdyrmaıtyndaı úzdik dızaınmen, tehnıkalyq jaǵynan minsiz fotoaparattar serıasyn jasaý turdy.
Shyǵys túsiniginde, óz korporasıalaryna jan-tánimen berilgen, al batys túsiniginde dáleldi qurastyrýshylar óz keńselerinde otyryp, eshkimge túsiniksiz birdeńelerdi aıtyp júretin zombılarǵa uqsap ketti. Belgili tehnıkalyq sıpattamalarǵa súıengen bec júzden astam syzbalyq nusqalar jasaldy; olardyń barlyǵy da kórnekti bolyp shyqty, biraq bir ǵana este qalarlyq dızaın jetkiliksiz boldy: kamerany basqarý qaǵıdasynyń ózinde jańashyl sheshimder bolýy talap etildi. Osy kezeńderdi eske ala otyryp, ázirleýshiler ózderiniń óte kóp mólsherde tutynǵan shokoladtarynyń arqasynda tiri qalǵandaryn moıyndaıdy. Bir kúni «keńse tutqyndarynyń» biri jumys ústelinde jeı bastaǵan shokoladyna tesile qarap otyryp, kenet: «Biz mázirdegi ornalastyrý batyrmalaryna toǵyz kishi bólikterden turatyn shokolad taqtasynyń pishinin bere alamyz» deıdi. Barlyǵy bul sózdi qaljyń retinde qabyldady, sodan keıin azyq bolyp bastalyp, áýrege salǵan keskinniń sońǵy nusqasy bolǵan oıǵa jarmasty. Osylaısha, SK-dıspleıdiń shetinde ornalasqan sensorlyq batyrmalardyń kómegimen kamerany basqarý qaǵıdasy ómirge keldi, ol basqa kameralardyń kópshiliginde qoldanylatyn, ádettegi tórt batyrmaly djoıstıkterden aıryqsha erekshelenetin. Osy tamasha este qalarlyq dızaıny bar jáne fýnksıonaldyq múmkindikterge baı birtýma, múlde jańa tutynýshylyq ınterfeıs NV (New Vision) serıalarynyń Samsung kameralaryna 2006 jyly fotonaryqta eń kórneki jańa ónimderdiń biri bolýǵa múmkindik berdi.

---