InfoHub Logo

Bir kári qurylysshynyń zeınetke shyǵatyn kezi taıap qalady. Bastyǵyna budan bylaı jumysqa shyqpaıtynyn, úıde bala-shaǵasyna, nemerelerine bas-kóz bolyp otyratynyn aıtady. Árıne zeınetke shyqqanda alyp júrgen aılyǵyn saǵynady, biraq basqa amal joq edi. Bastyǵy óte tájirıbeli jumysshysynan aırylǵanyna azdap kóńili túsińkireıdi. Jumysshysyna, sońǵy ret bir úı salyp berýin ótinedi. Kári usta bul usynysty qabyl etip, jumysyna kirisedi. Biraq istep jatqan isinde kóńili joq ekeni, amal joǵynan istep jatqany bilinip turady. Úıge sapasyz materıaldar qoldanyp, qısyq-qyńyryna qaramaı, qalaı bolsa solaı salyp beredi. Úı bitken soń bastyǵy úıdi tekserý úshin kelip, qarap shyǵady. Shyǵarda úıdiń kiltin ustaǵa berip: «Mine, kiltterdi alyńyz, úı sizdiki! Qanshama jylǵy eńbekterińiz úshin menen sizge syılyq bolsyn!» deıdi. Álgi usta túsinbeı, abdyrap qalady, qatty uıalady. Átteń, osy salǵan úıi óziniki bolatynyn bilgende, úıdi osylaı salar ma edi!..

---