InfoHub Logo

RadıoElektronıka jáne Baılanys Áskerı Injenerlik Instıtýtynda qazannyń 21-22 juldyzynda N.Nazarbaev: «Bolashaq – bilimdi jastar qolynda» taqyryp aıasynda Instıtýt kúnine oraı REjBÁII bastyǵy A.Mýstabekov atyndaǵy kýbogyna arnalǵan respýblıkalyq pikirsaıys týrnıri ótti. Qazaqstannyń barlyq aımaqtarynan daryndy pikirsaıysshylar jınalǵan bul týrnırde 92 fraksıa ózara baq synasty. Eki kúnge sozylǵan týrnırde tartysty oıyndar óte kóp boldy. Pikirsaıysshylardyń barlyǵy myqty daıyndyqpen kelgendigin óz oıyndarynda kórsete bildi. Sheshýshi fınaldyq oıynda «Altyn Sapanyń» maqtan tutatyn myqty fraksıalary «Dýlat» Ómirzaq Nurdáýlet pen Jónderbek Jazıraǵa qarsy «Altyn Sapa» fraksıasy Jáken Nurhan men Nurjan Madına birinshi oryndy ózara sarapqa saldy. Óte qyzyqty da tartysqa toly joǵary dárejedegi oıyn boldy. Týrnır nátıjesinde Jáken Nurhan men Nurjan Madına, ıaǵnı «Altyn Sapa» fraksıasy jeńimpaz atandy.Týrnırdyń klýbqa enshilegen basty jetistigi - sheksiz bilim ıeleri, «Altyn Sapanyń» aǵa býyndary 92 fraksıanyń ishinen oza shyǵyp, fınalda oıyn kórsetkeni boldy. Jáne de bul týrnırde Altyn Sapalyq Kenbaı Ýzbekalıev «Eń jas úzdik tóreshi» nomınasıasymen marapattaldy. 

«Altyn Sapa» Intellektýaldy pikirsaıys klýby búkil Qazaqstan moıyndaǵan «Chempıondar klýby» ekendigin osy týrnırda da sózben emes taǵy da ispen dáleldedi.

Fılologıa jáne álem tilderi fakúlteti «Qazaq fılologıasy» mamandyǵynyń 2-kýrs stýdenti Ahan Uljalǵas Oljasqyzy

---