Bilim mınıstri JOO oqytýshylarynyń jalaqysy týraly aıtty
Joǵary oqý oryndary pedagogtarynyń jalaqysy óte tómen. Bul týraly Bilim jáne ǵylym mınıstrliginiń alqa májilisinde vedomstvo basshysy Ashat Aımaǵambetov aıtty.
«Joǵary jáne joǵary oqýdan keıingi bilim berýde kadrlar daıarlaýǵa arnalǵan memlekettik tapsyrys kóleminiń jyl saıyn ósýi baıqalady. Osynyń aldynda memlekettik granttyń quny 340-440 myń teńge bolǵan. Aldyńǵy jyly Memleket basshynyń qoldaýynyń arqasynda osy memlekettik granttyń kólemin 1 mln teńgege deıin ulǵaıttyq. Bul óz kezeginde ýnıversıtetterge materıaldyq-tehnıkalyq jaǵdaıyn jaqsartýǵa, sondaı-aq pedagogtardyń, oqytýshylardyń jalaqysyn kóterýge múmkindik berdi. 2019 jyly qyrkúıekte mınıstrlikke qarasty ýnıversıtetter pedagogtarynyń jalaqasyn 20 paıyzǵa kóterse, 2020 jyly qyrkúıek aıynda taǵy 20 paıyzǵa kóterdi», - dedi A. Aımaǵambetov.
Osy oraıda mınıstr bul jumysty áli de jalǵastyrý qajettigin aıtty.
«Búgingi kúni joǵary oqý oryndary pedagogtarynyń jalaqysy óte tómen. Mekteptermen, kolejdermen salystyrǵan kúnniń ózinde bul kórsetkish básekege qabiletti emes. Sondyqtan bul jumysty jalǵastyrý barlyq rektordyń aldynda turǵan negizgi jumystardyń biri», – dedi vedomstvo basshysy.
Budan buryn habarldanǵandaı, ótken apatada Senat depýtaty Aqylbek Kúrishbaev joǵary oqý oryndarynda bilikti mamandardy daıarlaý máselesine qatysty Úkimet basshysynyń orynbasary Eraly Toǵjanovtyń atyna saýal joldady.
Sonymen qatar senator JOO oqytýshylarynyń jalaqysyn kóterýge qatysty usynys aıtty.
You Might Also Like
-
...Búkil denem sal-sal bolyp, beıkúná baladaı tuıaq serppesten qatyp qalǵan ekenmin. Janymdy da, tánimdi de baýraǵan áldebir rahat kúıdiń qushaǵynan ajyraǵym keler emes. Uıqymnyń ábden qanyp qalǵanyn...
-
Pedagog mamandyǵyn tańdaǵan «Altyn belgi» ıegerleri eki esege jýyq ulǵaıdy. Bul týraly Bilim jáne ǵylym mınıstrliginiń alqa májilisinde vedomstvo basshysy Ashat Aımaǵambetov aıtty.
