Premer-Mınıstr pedıatrıalyq fakúltetterdi kelesi jyldan qaldyrmaı qaıta qurýdy tapsyrdy
QR Premer-Mınıstri Baqytjan Saǵyntaev Úkimet otyrysynda pedıatrıalyq fakúltetterdiń kelesi jyly qyrkúıekten bastap qaıta qurýdy tapsyrdy.
«Balalar dárigeri, pedıatrlardy daıarlaý týraly suraqtar óte oryndy kóterilýde. Dárigerler qateliginiń quny óte joǵary. Ol balalarǵa qatysty bolsa tipti aýyr. Sondyqtan barlyq usynystardy qoldaı otyryp, T.Dúısenova (QR Densaýlyq saqtaý jáne áleýmettik damý mınıstr - red.) men E.Saǵadıevke (QR Bilim jáne ǵylym mınıstri - red.) barlyq medısınalyq oqý oryndarynda pedıatrıalyq fakúltetterdi qaıta qurýdy tapsyramyn. Kelesi jyldyń qyrkúıeginen bastap, pedıatrlardy daıarlaýǵa kirisýimiz qajet. Bundaı máselelerde bizge eksperıment jasaýǵa bolmaıdy. Adamdar kútip otyr. Sondyqtan osy baǵytta naqty jyljýymyz kerek», - dep atap ótti B. Saǵyntaev.
Eske sala keteıik, Úkimettiń búgingi otyrysynda Premer-Mınıstrdiń orynbasary Imanǵalı Tasmaǵambetov pedıatrlardy daıarlaý máselesin kótergen bolatyn.
Resmı málimetke sáıkes, 2012 jyly bes medısınalyq joǵary oqý ornynda 742 pedıatr daıarlansa, 2013 - 423 pedıatr, al 2014 tek 4 adam ǵana pedıatr bitirip shyqqan shyqqan.
You Might Also Like
-
Ejelgi Mysyr óneriniń tarıhy 4 myń jyldan astam ýaqytty qamtıdy. Sol sebepti Mysyr óneri úlken qyzyǵýshylyq týǵyzady. Óıtkeni adamzat tarıhyndaǵy birinshi taptyq qoǵam ónerdiń damýyn anyqtaýmen qatar...
-
Teledıdar kórý: Turaqty túrde dene jattyǵýlary jasalǵannyń ózinde saǵattap teledıdar aldynda otyrý júrek aýrýy jáne sal aýrýyna shaldyǵý yqtımaldyǵyn arttyrady.
