Psıhologıalyq bilimderdiń adam ómirindegi mańyzdylyǵy
Qumarǵalı Dılnaz
Psıhologıa qazirgi kúnde mańyzydy ról atqaratyn ǵylym salasyna aınalyp otyr. Ol fılosofıadan bólingennen beri talaı damý kezeńderden ótti, ıaǵnı kúrdeli júıege aınaldy. Psıhologıanyń adam ómirindegi mańyzy barshylyq. Sebebi tulǵanyń damýynda qandaı da ózgeshelikter bolatyn bolsa, ony jóndeýge psıhologıalyq normalardyń qajeti bolady. Jalpy biz mektep tabaldyryǵyn attaǵanda, psıhologtyń qabyldaýynan ótedi ekenbiz. Nelikten? Psıholog belgili bir negizdegi test suraqtary arqyly bizdiń normaǵa sáıkestigimizdi tekseredi. Iaǵnı qoǵamdyq ortada qalaı ómir súrý kerektigin qanshalyqty bilitinimizdi, jańa ortaǵa sińisip ketý qabiletimizdi tekseredi. Mine psıhologıanyń adam ómirindegi birden-bir mańyzy osy. . Adam túsinigi kóp josparly. Adam qoǵamda ómir súredi. Al adam bos ómir súrýi eshbir múmkin emes. Onyń táni de jany da aınalasyndaǵylarmen qarym qatynas jasaý ústinde tek áleýmenttik áser jaǵdaıynda ǵana kisilik mánge ıe bolady. Adamnyń sanasynyń damyp, ósýi tikeleı óziniń ómir súrip otyrǵan ortasyna baılanysty. Sondyqtan adam psıhologıasyn durys uǵyný úshin: áleýmenttik jaǵdaıyn bilý kerek; onyń qandaı ortanyń ókili ekenin aıyrý; onyń kózqarasy men nanym- senimin baǵyt- baǵdaryn bilimi men tájirıbesine ıkem bıimdiligin anyqtaý kerek. Mine, tek osy aıtylǵandardan keıin ǵana, naqty málimetterden soń sol adam týraly pikir bildirýge múmkindik týady. Psıhologıa adamnyń daralyq sıpattaryn qarastyryp, onyń kisilik qasıetterin óristetýdi maqsat tutady. Psıhologıa — jeke tulǵanyń rýhanı bolmysy. Dálirek aıtsaq ishki jan dúnıesi minez-qulqy, túrli sezimderi, nıeti, aqyl-oıy, qundylyqtary. Qaı ýaqytta bolmasyn psıhologıa adam ómirinde mańyzdy ról atqarady. Psıhologıanyń paıdasy adamnyń dúnıetanymyn qalyptastyrýǵa, adamdarmen jaqsy qarym-qatynasta bolýǵa kómektesedi. Qazirgi tańda bilikti psıhologıa mamandary men óziniń ómirine beıjaı qaramaıtyn, psıhologıa ilimine júginetinderdiń qatary kóbeıip keledi.
You Might Also Like
