InfoHub Logo

Bir aýrýhanada eki qart jatypty. Ekeýiniń naýqastary bir bolǵandyqtan bir bólmege jaıǵastyrylypty. Tek biri terezeniń janynda, ekinshisi esiktiń dál qasynda jatady eken.

Tereze janyndaǵy qart kún saıyn esik tusyndaǵy qarıaǵa syrttaǵy tynys-tirshilikti qulaq quryshyn qandyryp aıtyp otyratyn:

— Búgin teńiz bir qalypty. Azdap jel soǵyp tur ǵoı deımin. Óıtkeni ana uzaqtaǵy kemeniń jelkeni jelbirep tur. Teńiz jaǵalaýynda shaǵalalar ushyp júr.

Osylaısha kúnder óte beredi. Kúnderdiń birinde álgi tereze janyndaǵy aqsaqaldyń júregi ustap nasharlap qalady. Ádette, bólmedegi qońyraý túımesin basa qalsa dárigerer jetip keletin. Al búgin qasyndaǵy qart dárigerdi shaqyrtatyn túımeni baspady. Óıtkeni terezeden dúnıeni ózi kóre almaı, tek kórshisin tyńdaýmen ǵana shektelip jatatyn. Sol esine tústi me, shaıtannyń sózine erip, qońyraýdyń túımesin basýǵa qunt tanyta qoımady. Osylaısha, ol dosyn jazyqsyzdan jazyqsyz ólimge qıdy da jiberdi. Kelesi kúni dárigerler esiktegi kisini tereze janyndaǵy bosaǵan orynǵa aýystyratyn boldy. Osy kúnge deıin tyńdaýdy ǵana mise tutqan adamnyń qýanyshy qoınyna syımady. Endi tabıǵattyń san qyrly naqyshtaryn óz kózimen kórip jatatyn boldy. Ornyna jaıǵasa salyp, basyn kóterip terezege asyǵa moınyn sozyp edi, arǵy jaqta qara qabyrǵadan basqa esh nárse kórinbedi.

---