Qalamgerler saıysynyń kezekti jeńimpazy

Ulttyq rýh pen oı sananyń kemeldigi toǵysqanda.....

Óziniń ultyn syılamaǵan, ultyn maqtanysh tuta da almaıdy,ol sóz joq aramza, teksiz ári qańǵybas. B.Momyshuly

Ótken jyldan beri Qazaq halqynyń memleket retinde qalyptasýyna úles qosqan,aıanbaı eńbek etip,tynymsyz kúres júrgizgen qazaq handary,batyrlary,odan keıingi ǵasyrlardaǵy Stalındik repressıaǵa ushyraǵan ult zıalylary,Uly Otan soǵysyna qatysyp,erlikpen qaza tapqan qazaq batyrlary, bertin kele, Jeltoqsan qurbandary jaıly kitaptar,shyǵarmalar oqyp, olardyń ómir jolyna qanyǵyp,sol tulǵalardyń boıyndaǵy eline,ultyna degen patrıottyq sezim men Qazaq jeriniń árbir taý-tasy men keń baıtaq jerine, ushqan qusyna deıin boıymnan shynaıy mahabbat pen kirshiksiz sezimderimdi oıata bastap edim. Sol qaıtalanbas tulǵalardyń Qazaq jeri men halqyna sińirgen óshpes erligi,eńbegi arqyly men óz boıyma úlgi-ónege jınap, tálim-tárbıe alyp, Táýelsiz Qazaqstanymnyń naǵyz patrıoty bolyp qalyptasyp kelemin. Asylynda, árbir patrıot-óz eliniń týyn kókke kóterip, maqtanyshpen, zor mártebemen ony asqaqtatýdy qalaıdy emes pe?! Sol sıaqty, meniń de kóńilimde sondaı oılar júretin.

1 qyrkúıek kúni bolatyn.Shashymdy qos burymǵa órip, aq bantık pen Týymyzǵa uqsas kók galstýk taǵyp ásem kıinip mektepke keldim. (Bıyl, Bısmıllá dep 10-synypty bastaǵaly turmyn.) Saltanatty jıyn bastalýǵa taıapty.Kele sala Týdy kóteretinimnen habardar bolyp,ańtarylyp,bir jaǵynan qýanyp qaldym. Mektepte Tý kóterý mártebesi maǵan buıyrady dep kim oılaǵan?! Báz bireý úshin bul jaı ǵana bir jipti tartyp turyp, Týdy kótere salý shyǵar.Biraq, men úshin-óz elimniń, Qazaqstanymnyń týyn kókke kóterý zor mártebe. Kók týdy qalyqtatqan kezimde, jelbiregen kók Týmen birge meniń de tóbem kókke jetkendeı boldy.Osy sátte Táýelsiz Elimniń aspanyna qarap turyp júregimdegi alapat patrıottyq sezimniń kúsheıgenin sezindim. Baýyrjan Momyshuly atamyz aıtqandaı: "Ulttyq rýh-uly adamnyń, tutastaı alǵanda ulttyń da asyl qasıeti",-degen eken. Búginde kóp adamnyń boıynan tabyla bermeıtin sol asyl qasıet mende bary janymdy jadyratyp,Otanǵa degen súıispenshilikti arttyra tústi. Bul degenimiz, men úshin elimniń árbir taý-tasy, árbir adym jeri qymbat degen sóz. Bul degenimiz,Qazaqtyń tili,tarıhy,ádebıeti men úshin jaýhar qazyna degen sóz. Bul degenimiz, babalarymyz qasyq qany qalǵansha qorǵaǵan myna jer-maǵan amanat degendi bildiredi. Bul degenimiz,óz jerimde ózge ult ókiliniń,ásirese myna qara qytaıdyń taırańdap júrýine,onyń jerin,baılyǵyn ıemdenip,qarakóz qazaq qyzyna úılenip, qany taza qazaqtyń asyl tuqymyn bylǵaýyna degen múldem tózbeýshilik!!!

Oıymdy qoryta kele aıtarym, ár adam óz boıyna ulttyq rýhty sińirý kerek,olsyz patrıot degeniń jaı sóz. Al ulttyq rýh-tarıh tolǵaýynan alynady,ádebıetpen,qazaqtyń ásem tilimen boıǵa darıdy.Sondyqtan, óz tilin,tarıhyn jete bilmegen adam- qoǵamdaǵy iritki,indet ispettes. Ol indet jaılaı berse,birte kele,birtutas ultty ýlaıdy degen sóz.Sol sebepti, qoǵamnyń bir bólshegi sanalatyn ár adam óz eliniń patrıoty bolý úshin onyń ótkenin,búginin bilip,onyń ár bólshegin janymen súıýi qajet...

(Avtordyń orfografıasy men pýnktýasıasy saqtalǵan)

Kezekti jeńimpazdy quttyqtaımyz!

Syılyqty alý úshin bilimland.kz saıtymen baılanysýyńyzdy suraımyz!

Jalpy qyrkúıek aıy boıynsha ár apta saıynǵy 4 eń úzdik týyndy avtorlary tańdalǵan edi. Olar: Mahabbat Samrat, Araılym Erýbaı, Nazerke Áliqul jáne Maqpal Jarylqapbergen. Munymen jeńimpazdar sany da, syılyqtarymyz da bitpek emes. Saıys 25 qańtarǵa deıin jalǵasyn tappaq.

Eskertý! Qurmetti qatysýshylar, jazbańyzdyń durys (qatesiz) jazylýy men tynys belgilerine, sharttardyń da durys oryndalýyna nazar aýdaryńyzdar!

Eske salaıyq, bilim-all.kz jáne bilimland.kz saıttary jas qalamgerler arasynda saıys jarıalaǵan bolatyn. Barlyq talaptarmen Qalamgerler saıysy siltemesi arqyly tanysa alasyz.