Qaraǵandyda IT-week.kz Halyqaralyq forýmy qorytyndylandy
«IT-week.kz» forýmynda qoǵamdyq kólikte jol júrý aqysyn tóleý úshin qurylǵan mobıldi qosymsha úzdik dep tanyldy.
Qatysýshylar eki kún ishinde qala turǵyndarynyń ómiri men memlekettik organdardyń jumysyn jaqsartýǵa múmkindik beretin mobıldik qosymshalar men baǵdarlamalar ázirledi. Búgin qazylar alqasy jeńimpazdardyń esimderin atady.
Forým 24 qyrkúıekte bastaldy. Baǵdarlamaǵa otandyq jáne sheteldik IT-kompanıalar ókilderiniń sheberlik sabaqtary, bos oryndar jármeńkesi jáne sandyq tehnologıalar kórmesi kirdi. Sharanyń basty oqıǵasy 48 saǵatqa sozylǵan hakaton boldy. Oǵan stýdentter men jas mamandardan quralǵan 30 komanda qatysty.
«Hakaton úsh kezeńge bólindi. Birinshisi – bilim berý. Biz ony «Startap mektebi» dep atadyq. Munda qatysýshylar óz ıdeıalaryn ortaǵa salyp, olardy modeldeýmen aınalysty. Ekinshi kezeń – mentorlyq. Bizde barlyǵy 11 mentor boldy. Olardyń barlyǵy qatysýshylarǵa kómek kórsetken kásipkerler. Qorytyndy kezeń – bul tikeleı damý. Barlyq kezeńderdiń qorytyndysy boıynsha jartylaı fınalǵa segiz komanda ótti. Olardyń ishinen biz úsh úzdikti tańdadyq», - dedi «Most» bıznes-ınkýbatorynyń dırektory jáne forýmdy uıymdastyrýshylardyń biri Álim Hamıtov.
500 myń teńge kólemindegi bas júlde RoadGuard baǵdarlamasynyń prototıpin jasaýshylarǵa buıyrdy. Baǵdarlamalyq qamtamasyz etý taksı jáne qoǵamdyq kólik qyzmetterin QR-kodtyń kómegimen uıaly telefon arqyly tóleýge múmkindik beredi. Baǵdarlamada keri baılanys bar. Jas baǵdarlamashylar 48 saǵat ishinde osy avtomattandyrylǵan júıeniń mobıldi qosymshasy men veb-nusqasyn jasap úlgerdi.
Ekinshi orynda Clean City qosymshasy boldy. Ol paıdalanýshylarǵa qalany tazalaýǵa jaýap beretin vedomstvoǵa ruqsat etilmegen qoqys tastaıtyn jerlerdiń fotosýretteri men geolokasıasyn jiberýge múmkindik beredi. Bul baǵdarlama synaqtan ótip, jumysqa tolyq daıyn. Ony jasaýshylar ekinshi oryn alyp, 300 myń teńgeniń júldesin aldy.
Hakaton barysynda qatysýshylardyń jumystaryn iri IT-kompanıalardyń ókilderi baqylady. «Qazir Qaraǵandyda úlken keńsesi bar amerıkalyq EPAM Systems kompanıasy bizdiń qatysýshylarymyzǵa qyzyǵýshylyq tanytty», - dedi Álim Hamıtov.
Forýmnyń sońǵy kúni plenarlyq sesıalar ótti. Onda Wooppay kompanıasynyń negizin qalaýshy Aleksandr Doroshenko, kompanıanyń aǵa menejeri, EPAM Systems jobalaý keńsesiniń basshysy Vácheslav Vasılenko, Qaraǵandy oblysynyń aqparattandyrý, memlekettik qyzmet kórsetý jáne muraǵattar basqarmasynyń basshysy Rýstam Baıjanov jáne basqalar sóz sóıledi.
You Might Also Like
-
Parlament Senatynyń jalpy otyrysynda «Qazaqstan Respýblıkasynyń Úkimeti men Eýropalyq ıadrolyq zertteýler jónindegi uıym (CERN) arasyndaǵy ǵylymı-tehnıkalyq yntymaqtastyqqa qatysty halyqaralyq...
-
Jarma aýdanynyń terıtorıasyndaǵy sur sýyrdyń ekologıalyq jaǵdaıy.
