Qaraǵandy oblysynda aýyldyq mektepte balalar sanıtarlyq talapqa saı emes jaǵdaıda bilim alyp kelgen
Qaraǵandy oblysy Shet aýdanynda sanıtarlyq qaǵıdalardy buzýshylyqty joıǵanǵa deıin aýyldyq mektepterdiń biri ýaqytsha jabyldy. Bul týraly Qaraǵandy oblysy mamandandyrylǵan aýdanaralyq sottyń baspasóz qyzmeti habarlady.
«Sot «Qaramys bastaýysh mektebine» «Shet aýdandyq tutynýshylardyń quqyqtaryn qorǵaý basqarmasy» ÓMM talaparyzy boıynsha azamattyq isti qarady. Aryz berýshi sanıtarlyq normalardy óreskel buzǵany úshin mektepti paıdalanýdy toqtatýyn surady. Aryz qanaǵattandyryldy. Buzýshylyqty tolyq joıǵanǵa deıin oqý ornyn paıdalaný toqtatyla turady», - delingen habarlamada.
Sot otyrysynda mektep ókilderi talappen tolyqtaı keliskeni atap ótiledi.
İs materıaldaryna súıensek, tekserý aýyl mektebinde sanıtarlyq qaǵıdalardyń óreskel buzylǵanyn anyqtady. Bastaýysh synyp oqýshylary bilim alatyn kabınetter jóndeýdi talap etedi. Synyptarda tóbe tómen ıilip tur, sylaqtary túsken. Sý aqqan izder baıqalady. Tekserýshiler oqýshylardyń ómiri men qaýipsizdigine qaýip baryn aıtty.
Sot sheshimi zańdy kúshine engen joq, appelásıalyq satyda shaǵymdanýǵa bolady.
You Might Also Like
-
Jaz — baqshany retke keltirip, jaıqaltýdy qolǵa alatyn kezeń. Bilim-all.kz ár baǵbanǵa paıdaly bolatyn birneshe aıla-tásildermen bólisedi.
-
AQSH-qa birjola kóshýge bel býǵan qazaqstandyq stýdent Temir Han Qazaqstanda ómir súrý ýaqytty bekerge ótkizý degenge senimdi. Bul týraly ol áleýmettik jelilerdegi jeke paraqshasynda bólisken.
