AQSH-ty kórgen qazaq balasy Qazaqstannan sanaly túrde bas tartty
AQSH-qa birjola kóshýge bel býǵan qazaqstandyq stýdent Temir Han Qazaqstanda ómir súrý ýaqytty bekerge ótkizý degenge senimdi. Bul týraly ol áleýmettik jelilerdegi jeke paraqshasynda bólisken.
Stýdent Qazaqstan týraly «ashshy shyndyqty» jasyrmaı jaıyp salǵan. Ál-Farabı atyndaǵy QazUÝ-dyń halyqaralyq qatynastar fakúltetinde bilim alǵan jigit 1-nshi kýrstan-aq AQSH-tyń túrli jobalary men baǵdarlamalaryna qatysqan.
Jigit AQSH-pen salystyrǵanda tómen jalaqylarǵa qaramastan óz Otanynda onyń gúldenýine atsalysý úshin jumys isteý qajet degen pikirde bolǵan.
Eldegi bilim berý júıesine stýdenttiń kóńili tolmasa da, shetelge jastar nege kóptep ketip jatyr degen oı mazalaǵan. Biraq jıǵan-tergenin "jep qoıǵan" devalvasıa, 65 myń teńge jalaqy men - qyzmettegi ádeletsizdik, mansap jolyndaǵy tanys-tamyr - "qazaqı menedjemnet" óz degenin jasaǵan. Bárinen kóńili qalǵan jigit qyzmetinen shyǵyp, Almatyǵa qaıtpaq bolady. Otandyq poıyzdardaǵy qyzmet, las tósek-oryn, taǵy basqasy stýdentti shetelge attaný qajet degen oıǵa ıtermeleıdi.
Sóıtip áke-sheshesimen sóılesip, barlyq qujattardy rettep, Nú-Ioırkke oqýǵa attanady.
"Bir ókinetinim - arada osynsha ýaqyt ótkennen keıin ǵana AQSH-ta qalyp, el bolashaǵy emes, óz bolashaǵymdy erterek oılamaǵanym. 18 jasymda Nú-Iorkte alǵash bolǵan kezde sony bastaýym kerek edi", - deıdi Temir Han.
Jigit QazUÝ-da bosqa jibergen ýaqyty men ata-anasynyń qarajatyna ókinedi. Tipti ózin shetelge ketýine sebep bolǵan oqytýshylaryna rıza ekenin jasyrmaıdy.
AQSH-ta jańadan oqı bastaǵan jigit týǵan ýnıversıtetindegi oqýnyń esh mańyzy bolmaǵanyn túsinedi.
Temir jazba sońynda Qazaqstanda áli oqyp júrgen jastarǵa óz ómiri men bolashaǵy týraly oılaýǵa keńes beredi.
"Óz ata-analaryńyzdan basqa eshkimge kerek emessiz. Al ókimetke kereksiz be?! Ata-analaryńyzdan zeınetaqy qory týraly surańyz da qorytyndy jasaı berińiz", - deıdi ol.
"Kesh bolmaı turyp, barlyq kúmándaryńyzdy artqa tastap, ózińizge baqýatty bolashaq qamtamasyz ete alatyn ómirdi bastańyz. Meniń keńesim osy", - dep aıaqtady jazbasyn stýdent.
Temir Hannyń bul posty Feısbýkte 6 000-nan astam laık jınap, kópshiliktiń qoldaýyna ıe bolǵanyn aıta ketý kerek.
Derekkóz: Nur.kz
You Might Also Like
-
Qaraǵandy oblysy Shet aýdanynda sanıtarlyq qaǵıdalardy buzýshylyqty joıǵanǵa deıin aýyldyq mektepterdiń biri ýaqytsha jabyldy. Bul týraly Qaraǵandy oblysy mamandandyrylǵan aýdanaralyq sottyń baspasóz ...
-
Jáýtikov Orynbek Ahmetbekuly (1911-1989) - ǵalym, fızıka-matematıka ǵylymdarynyń doktory, profesor, Qazaqstan Ǵylym akademıasynyń akademıgi, Qazaqstannyń eńbek sińirgen ǵylymı jáne tehnıka qaıratk...
