InfoHub Logo

Qaraǵandylyq stýdentter 3D prınterin jasap shyqty, dep habarlaıdy «Habar 24».

Jas ǵalymdar osy zamanaýı qurylǵynyń kómegimen ınovasıalyq jobalaryn iske asyrmaq. Stýdentter jasaǵan 3D prınter amerıkalyq balamadan jeti ese arzan turady. Aıtı-ortalyǵyna Qaraǵandy polıtehnıkalyq kolejiniń barlyq stýdentteri qatysa alady. Munda olar baǵdarlama jasaýmen aınalysyp júr. Bul retteýshi tetikter kásiporyndarda óndiristi avtomattandyrý úshin aýadaı qajet.

Sondaı-aq, bul qurylǵylar arqyly aqyldy baspanany basqarýǵa da bolady. Qazir polıtehnıkalyq kolejde 16 mamandyq boıynsha 5 myń stýdent bilim alyp jatyr. Bes jyl buryn bilim oshaǵy dýaldy bilim berý júıesine kóshken bolatyn. Sonyń arqasynda túlekterdiń 80 paıyzy birden jumysqa ornalasa alady.

"Bizdiń ortalyqta stýdentter oılap tapqan zamanaýı qurylǵylar kóp. Bizde avtomattandyrylǵan qoıma bar, onda tolyq kontroller arqyly jumys jasaýǵa bolady. Júk tasymaldaıtyn lıft bar. Qazirgi óndiris oshaqtarynda barlyq júıe avtomattandyrylǵan, sondyqtan bul oılap tapqan qurylǵylardy patenttep alýdy kózdep otyrmyz", deıdi qalalyq polıtehnıkalyq koleji aqparattyq tehnologıalar boıynsha dırektorynyń orynbasary Ramazan Qalıev.

---