InfoHub Logo

Jambyl oblysy
Merki aýdany
№17 I.I.Trýbısyn atyndaǵy orta mektep-gımnazıasynyń
9 "á" synyp oqýshysy
Qadyrqulova Janelá Erbolqyzy

 

Táýelsiz qazaq eliniń jeri keń ekeni bárimizge málim. Osyndaı baıtaq jerdiń ár mekeniniń topyraǵy kıeli. Solardyń biri qazaq halqy úshin qasıetti bolyp sanalatyn Qarasaz aýyly. Qasıetti Qarasaz atalý sebebi bul jerde aqıyq aqyn, qazaq ádebıetiniń ór tulǵasy Muqaǵalı Maqataevtyń kindik qany tamǵan jer.

Muqaǵalı Maqataevtyń týyp-ósken jerin óz kózińmen kórip qaıtý kez-kelgen adamǵa berile bermeıtin múmkindik. Sol sebepti men úshin Qarasaz aýylyna barý úlken bir baqyt desem artyq bolmas. Qazaq halqynyń uly tulǵasyn kózi tiri kezinde elemegenimen, qazirgi ýaqytta qazaq ádebıetinde alar orny bir bólek. Poezıa álemine júregi jaqyn men sekildi óskeleń urpaq úshin aqynnyń árbir óleńi erekshe yqpal etetinine kúmánim joq. Shynaıy poezıa ókiliniń oqýlary árbir jyl saıyn úlken kólemde ótkizilip turady. Sondaı baıqaýlardyń birin Respýblıkalyq kólemde «Ǵumyrdarıa» balalar prodúserlik ortalyǵy uıymdastyryp, jas urpaqqa óz ónerlerin kórsetýi úshin múmkindik jasaýda.

Bárimizge belgili bıyl aqynnyń 85 jyldyq mereı toıy atalyp ótilýde. Soǵan oraı uıymdastyrylyp otyrǵan is-sharalar sany óte kóp. Solardyń biri «Jyrlaıdy júrek» atty Respýblıkalyq án-jyr festıváli. Bul festıválde óz ónerimdi kórsetý mártebesi maǵanda buıyrǵan eken. Festıvál jıyrma ekinshi maýsym men jıyrma besinshi maýsym aralyǵynda ótti. Festıválge elimizdiń túkpir-túkpirinen eń myqty jas talanttar jınaldy. Festıvál birneshe kezeńnen turǵan edi. Olar: mýzeıge saıahat, aýyldyń syıy, jas talanttar konserti, tabıǵat aıasyna serýen jasaý.

Mýzeıge saıahat kezeńinde biz Qarasaz aýylyndaǵy ádebı-memorıaldy mýzeıine sholý jasadyq. Bir ereksheligi múzeıdi óleńmen birge tanystyryp shyqty. Jáne tanystyrǵan men qatarly mektep oqýshylary. Mýzeıdegi árbir zattyń ózindik ereksheligi men maǵynasy zor.

Aýyldyń talanttary óz ónerlerin bizge kórsetip úlken bir syı jasaǵan da bolatyn. Qarasazda eńbektegen baladan, úlken qarıa ata-ájelerimizge deıin óleńin biletini, sonymen qatar óte ónerli bolǵanyna men shyn mininde tánti boldym. Olardyń ónerleri tap bir bilikti óner ıelerinen artyq bolmasa kem bolmas.

Aýyl turǵyndary úshin jas juldyzdardyń ónerlerin pash etýi eki kezeńnen turdy. Bizdiń ónerlerimiz olardyń kóńilderinen shyqqanyna esh kúmánim joq.

Qarasaz jeriniń kózdi baýrap alar ásem tabıǵatyna qarap–aq bul jerden óner ıesi shyqpaýy múmkin emes ekenin túsindim. Tórt kúnniń ishinde shabytyma shabyt qosylyp, áserim óleń bolyp órile bastady. Sol sebepti bul jer men úshin de óte erekshe mekenderdiń biri.

Aspandaǵy mamyq aq bultpen shektelgen zańǵar taýlary, qulpyrǵan gúlderi, qaýlap ósken shóp shalǵyny aýyldy ásemdep turady. Sonymen qatar aýyl turǵyndaryn eskermeı ketý múmkin emes. Olar bizdi aýylǵa kelgennen-aq jyly júzben qarsy aldy. Turǵyndardyń qonaqjaı ekenine anyq kózim jetti.

Qasıetti Qarasaz jerinen alǵan áserim osylaısha ózdiginen-aq terile bastady. Qansha alys ketsemde alǵan áserim áli de kóz aldymnan keter emes. Meniń oıymsha qazaqtyń árbir adamy sol jerge bir ret bolsyn barýy tıis. Ol jerge barǵan árbir adam úshin tek jaqsy nátıje beretini aıdan-anyq. Keremet jerden, keremet áser alyp kelý múmkindigin bergen prodúser B.Esirkepov pen joba avtory A.Toqtarbekqyzyna aıtar alǵysym sheksiz.                                       

---