InfoHub Logo

Adam ómiri — dúnıeniń basty qundylyǵy. «Qazaqstan-2030» baǵdarlamasyna sáıkes, ulttyq qaýipsizdik elimizdiń basty maqsaty bolyp tur. Soǵan súıenip, memleketimiz halqynyń qaýipsizdigin qamtamasyz etý úshin  barlyq sharalar jasap jatyr.

Eń áýeli, Qazaqstan turǵyndarynyń bastan keshirgen oqys jaǵdaılary men tragedıalaryn esimizge túsirsek. Birneshe aı buryn soltústik óńirde ornalasqan Ekibastuz qalasynda jylý-elektr ortalyǵy isten shyqqany málim. Sonyń zardabyn jergilikti turǵyndar shegip, jaryqsyz jáne jylýsyz qalǵan. Bul jergilikti basqarý organdarynyń JEO jumysyn durys qadaǵalamaýynan týyndady.Sonymen qatar, kezinde qanisherler de halyqqa maza bermeı, úreılerin týdyryp júrgen. Olar týraly málimetti Alısher Ýtevtiń túsirgen 5:32 serıalynan kórýge bolady. Keıbireýleri qamaýdan shyǵyp, bostandyqta júr. Al, adamdarǵa zıany tımeý úshin olardy belgili organdar qatań baqylaýda ustap  jáne psıhıkalyq aýytqýlardy emdeýge barynsha kómektesýde. Ushaqtardyń kúıreýi, órtenip ketken úıler, jarylystar, lankestik áreketter, jol appattary, qaraqshylyq jáne t.b sıaqty qaýipti jaǵdaılar kúnde oryn alýda. Sony eskere otyryp, halyqpen birge qaýipsiz qalany qurýǵa baǵyttalýymyz qajet.

Ulttyq qaýipsizdikti saqtaýdyń birinshi alǵysharty ol — adamdardyń sanasyn oıatý. Qarapaıym erejelerdi bilmeı, jolǵa shyǵatyn kólikter men jaıaý júrginshiler osyndaı jol appattarynyń sebepshileri atanady. Beıneleý kameralarynyń azdyǵynan kináliler men qylmyskerlerdi anyqtaý kıyndyqqa túsedi. Sondyqtan ereje buzǵandar jazasyz qutylyp ketedi de, óz qatelikterin ári qaraı jalǵastyra beredi. Ekinshiden, belgili bir qurylysqa bólingen aqsha óz somasyn aqtamaıdy. Sebebi, ol qarajattyń bári túpki maqsatyna paıdalanylmaǵandyqtan, sapasy da soǵan saı bolady. «Sarań eki ret tóleıdi» demekshi, sol nysan  tabıǵat apattaryna tótep bere almaıtydaı jaǵdaıǵa ushyrap, eń birinshi halyq zardap shegedi. Úshinshiden, zańdy qatańdatý kerek. Adam adamnan qorqatyn kezge de jettik. Qylmyskerler men qanisherlerdiń áreketterin toqtatý úshin olardyń jazasynyń qanshalyqty qatań bolatynyna kózderin jetkizý óte mańyzdy. Biraq, elimizde ondaı zańdar qarastyrylmaǵan nemese jeńildetilgen túrde jazalanady. Qala turǵyndarynyń tynyshtyǵyn saqtaý úshin memleket te osyndaı qoǵamnyń qaldyqtarymen jumys jasaýyn kúsheıtý kerek.

Qorytyndylaı kele, qaýipsizdik erejelerin saqtaý — ár adamnyń óziniń ómiri úshin basty mindeti. Al memleket qaýipsizdigi - el azamattarynyń ishki jáne syrtqy qaýipsizdiginiń kepildigi.

---