InfoHub Logo

Rysqulbekov Qaırat Noǵaıbaıuly — 1986 jylǵy Jeltoqsan kóterilisiniń qaharmany. Qaırat Rysqulbekov 1966jyly Jambyl oblysy Moıynqum aýdany Birlik aýylynda dúnıege kelgen. 1973-81 jyldary Shý aýdany Tóle bı aýylynda S. Shákirov atyndaǵy mektep-ınternatta 8 jyldyq bilim alady. 1981-83 jyldary Birlik aýylyndaǵy orta mektepti bitiredi. 1984-86 jyldary Amýr ólkesi Belogor qalasynda áskerı mindetin óteıdi.

1986 jyly áskerı bólimsheniń joldamasymen Almatydaǵy Sáýlet-qurylys ınstıtýtyna oqýǵa túsedi. Osy jyly 16-18 jeltoqsanda bolǵan qazaq jastarynyń otarshyldyq jáne ámirshildik júıege qarsy kóterilisine belsene qatysady. Biraq kóterilis janshylǵannan keıin 1987 jyldyń qańtarynda İshki ister organynyń qyzmetkerleri «Almatyda bir tóbeleske qatysty» degen jeleýmen Qaıratty qamaýǵa alady. Keıinnen, kópshilikke málim bolǵandaı, tergeýshiler neshe túrli aıla-sharǵylar qoldana otyryp, ony S.Savıskııdiń ólimine kináli etedi. Qazaq KSR-sy Joǵarǵy Sotynyń qylmystyq ister jónindegi kollegıasynyń tóraǵasy E.Grabarnıktiń 1987 jyly 16 maýsymdaǵy Úkimimen Rysqulbekov eń joǵary jaza (ólim)-atý jazasyna buıyryldy. Zıaly qaýym ókilderi KOKP Bas hatshysy Gorbachev pen KSRO Joǵary Keńesi Tóralqasynyń tóraǵasy Gromykonyń atyna Rysqulbekovtyń jazasyn jeńildetý týraly ótinish joldady. Keıinen atý jazasy amalsyzdan 20 jylǵa bas bostandyǵynan aıyrý jazasymen aýystyryldy. Biraq Shý, Qaraǵandy temir jol beketteri arqyly Rysqulbekov Semeı túrmesine jetkizilip, qupıa jaǵdaıda onyń ómirine qastandyq jasaldy.

Jeltoqsan kóterilisiniń qurbany bolǵan Rysqulbekov elimiz egemendik alǵannan keıin Qazaqstan Joǵarǵy Soty Plenýmynyń 1992 jylǵy 21 aqpandaǵy sheshimimen aqtaldy. Oǵan «Halyq qaharmany» ataǵy berildi.

Oqýǵa keńes beremiz:

Sońǵy hat

Qaırat Rysqulbekov (Vıdeo)

---