InfoHub Logo

Qazirgi adamdar óz ómirin baspasóz, radıo, teledıdar sıaqty buqaralyq aqparat quraldarynsyz elestete almaıdy. Al sonyń eń alǵashqy bastaýy Ulybrıtanıadan shyqqanyn biz bile bermeımiz.

Ulybrıtanıadaǵy alǵashqy gazetter úsh júz jyl buryn paıda bolǵan bolsa, búgingi kúni 130-dan astam kún saıynǵy jáne jeksenbilik gazet, 1800 aptalyq jáne 7000-nan astam merzimdi basylymdar shyǵyp otyrady eken. 1990 jyldardan keıin Ulybrıtanıanyń ulttyq gazetteriniń quramynda 10 kúndelikti jáne 10 jeksenbilik basylym bolǵan. Qazirgi ýaqytta úsh kúndelikti «Deılı gerold», «Nús Hronıkl», «Mornıng star» gazetteriniń ornyn «San», «Independent», «Týdeı» gazetteri basty. Jeksenbilik gazetter tobynda «Reınolds nús», «Sandı dıspech» basylymdarymen qatar «Sandı telegraf», «Independent on sandı» gazetteri paıda boldy. 2000 jyly dúńgirshikterde «Iýropıan pres» qojaıyny bolyp tabylatyn tabloıdtyq jeksenbilik «Sandı bıznes» basylymy paıda boldy. Ulybrıtanıa turǵyndary jeksenbilik kúnderden kóp gazet satyp alady, sondyqtan jeksenbilik gazetter kúndelikti gazetterge qaraǵanda kóp taralymǵa ıe, olardyń qataryna «London‘s Evening Standard» jáne «Evening News» sıaqty keshki gazetterdi de jatqyzýymyzǵa bolady, Ulybrıtanıada «The Birmingham Post» gazeti sıaqty óte tanymal gazetter de bar. Kóptegen gazetterdiń óziniń saıası kózqarastary da qalyptasqan. Olar ózderiniń basylym betterinde qandaı da bir saıası partıany nemese topty qoldaıtyn pikirlerdi usynady. Kúndelikti gazetterge: «Financial Times», «The Times», «The Daily Telegraph», «The Guardian», «The Independent» jatady. Buqaralyq gazetterge: «Daily Mirror», «Daily Star», «The Star», «The Sun», «Daily Mail», «Daily Express» jatady.

Ulybrıtanıada ulttyq gazetter arasyndaǵy básekelestik óte qatty. «Independent» jáne «Independent on sandı» basylymdary aldyna qoıǵan «Taıms» gazetinen neǵurlym kóp oqyrmandardy tartyp alý maqsattaryn iske asyra almady. «Taıms» gazeti uzaq ýaqyt boıy óziniń taralymyn 250 myń dana deńgeıinde ustap turdy.

Básekelestik ásirese, tabloıdtyq basylymdar arasynda: «Mırror» men «San», «Deılı meıl» arasynda óte joǵary qarqynda boldy. Ulybrıtanıada lord Holıktiń basqarýymen «Ekspress» jáne «Sandı ekspress» basylymdary jaryq kórip turdy. Biraq, uzaq jyldar boıy konservatorlarǵa qyzmet etip kelgen bul gazetter ózderine eshqandaı jańa oqyrmandar jınaı almady. Sondyqtan taralymy tómen boldy.

Ulybrıtanıa baspasózi habar taratýda da, satylym boıynsha  da aldyńǵy qatarlardy alyp otyrǵany shúbásiz.

Oryndaǵan: Búrkitbaeva A., 2 kýrs stýdenti Jetekshileri: Maıkotova Ǵ. T. , f.ǵ.k., dosent Álim Á.A. aǵa oqytýshy

---