InfoHub Logo

Qazaq jerleriniń XVIII ǵ. 1 jartysyndaǵy saıası damýy

Oqýshylar neni bilý kerek:
- XVIII ǵ. birinshi jartysyndaǵy shaıqastardy, quryltaı jyldaryn, kórshi eldermen dıplomatıalyq qatynastardy.
- Qazaq elin basqarǵan tarıhı tulǵalardy (Táýke, Ábilqeıyr, Sámeke, Bolat, Abylaı), qazaqtyń ataqty bı, batyrlaryn (Tóle, Qazybek, Áıteke, Bógenbaı, Qabanbaı t. b.)
- Qazaq jerinde salynǵan bekinis, áskerı shepterdiń salyný jyldaryn
- Tarıhı oqıǵalardyń mańyzyn

Oqýshylar neni meńgerý kerek:
- XVIII ǵ. qazaqtardyń turmysy negizinen áli dástúrli bolǵanyn
- Qazaq jerine osy kezeńde engen ózgeristerdi
- Tarıhı oqıǵalardyń bolǵan jerlerin kórsete, taba bilý
- Tarıhı oqıǵalardy baǵalaı bile, óz kózqarastaryn dáleldeı alý.

Qosymsha ádebıet:
1. Qazaqstan tarıhy ocherkteri.
2. Qazaqstan tarıhy hrestomatıa.

Mánjazba taqyryptary:
1. Qazaqtyń ataqty bıleri.
2. «Daraboz» batyr Qabanbaı.
3. Qanjyǵaly Bógenbaı.
4. Kákiuly Eset.
5. Hangeldiuly Raıymbek.
6. Shapyrashty Naýryzbaı.
7. Abylaı han.
8. Ábilqaıyr han.

Sóılesý bólimi.
2 - sabaq. “Qarly kesek” oıyny.
Oıynnyń maqsaty: oqýshylarǵa mátindi oqyp, bir - birine túsindirýi arqyly taqyrypty meńgertý.
Oıynǵa qajetti qural – jabdyqtar:
- baǵyttaýshy paraqtar;
- qatysýshylardyń nómiri jazylǵan paraqtar;
- ústelderdi belgileýge arnalǵan siltemeler;
- jalpy baǵalaý paraǵy (taqtaǵa syzýǵa bolady).

Oıynnyń sharty:
Oqýshylar óz erikterimen “A”, “B”, “V”, “G”, “D” siltemeleri kórsetilgen toptarǵa bólinip otyrady. Árbir oqýshynyń otyrǵan stolyna sáıkes nómirler beriledi ( mysaly: “A” stolyna sáıkes A - 1, A - 2, A - 3, A - 4, A - 5) jáne osy kórsetilgen nómirlerine sáıkes baǵyttaý paraqtary beriledi. Osy bólingen stoldarǵa sáıkes muǵalim oqý materıaldaryn jınaqtap toptarǵa bólip beredi de, top ishinde daıyndalýǵa arnaıy ýaqyt bólinedi ( oqý materıalynyń kólemine sáıkes daıyndalýǵa beriletin ýaqytty muǵalim ózi belgileıdi). Berilgen daıyndyq ýaqyty ótkennen keıin muǵalimniń bergen komandasy boıynsha oqýshylar baǵyttaý paraǵynda kórsetilgen stoldarǵa ornalastyrylyp, muǵalimniń nusqaýymen 1 - týr bastalady. Bul týrdy oqýshylar baǵyttaý paraǵynda kórsetilgen retpen ózderiniń daıyndalǵan taqyryptary boıynsha basqa toptyń oqýshylaryna túsindiredi. Osyndaı kezekpen toptaǵy barlyq oqýshylar ret – retimen túsindirip bolǵan soń árqaısysy óz baǵyttaý paraqtaryna eń jaqsy túsindirgen oqýshynyń nomerin belgileıdi. ( Oqýshylar ózin belgileýge jáne 2 – 3 oqýshyny belgileýge bolmaıdy). Ýaqytty baqylap otyrǵan muǵalim 2 - týrdy habarlaıdy. Bul týrda oqýshylar basqa quramda kezdesip 1-shi týrdaǵy jumysty qaıtalaıdy. Kelesi týrlar da osyndaı júıemen ótedi. Barlyq týr aıaqtalǵannan keıin muǵalim oqýshylardyń baǵyttaý paraqtaryn jınap alyp, nátıjelerin jalpy jınaqtaý paraǵyna túsirip, eń kóp upaı jınaǵan topty jáne oqýshyny anyqtaıdy.

Tapsyrmalary:
“A” toby
XVIII ǵ. basyndaǵy qazaq jerleriniń ishki jáne syrtqy jaǵdaıy
“B” toby:
XVIII ǵ. ortasyndaǵy qazaq jerleriniń jaǵdaıy
“V” toby:
Áskerı bekinister men shepter
“G” toby:
Qazaq – Qytaı, qazaq – jońǵar, orys – jońǵar qatynastary
“D” toby:
Abylaı handyǵy