InfoHub Logo

Uly sózdi tyńdaımyz, jol tártibin saqtaımyz!

Maqsaty:
1. Kóshede júrý erejelerin pysyqtaý.
2. Baǵdarsham, saıa jol týraly túsinikterin odan ary pysyqtaý.
3. Úlkendi syılaý, jol berý, kishige úlgi bolýǵa tárbıeleý.
Ádisi: Suraq - jaýap, túsindirý.
Kórnekiligi: Baǵdarsham, jol erejesi jazylǵan plakattar, sýretter, jol belgileri.

Sabaqtyń barysy:
İ. Uıymdastyrý kezeńi.
– Qurmetti qonaqtar! Jolda júrý tártibine arnalǵan synyp saǵatyn bastaýǵa ruqsat etińizder. Jolda júrý erejesine arnalǵan sabaǵymyzǵa qonaqtar kelip otyr. Balalar, ádettegideı ánuran aıtaıyq.

İİ. Jańa sabaq.
– Búgin biz jolda júrý erejesin qaıtalaı otyryp, ony qalaı meńgergenimizdi tekserip «úlgili jolaýshy» degen atqa ıe bolýǵa tyrysamyz.
Muǵalim:
– Armanǵa, alda kútken asyǵamyz,
Biz qalaı tolqyn atpaı basylamyz.
Jol júrý erejesin jaqsy bilip,
Saqtyqqa tura alatyn jas ulanbyz.
1 - oqýshy:
– Jalǵaıtyn dostastyryp bar elmenen,
Joldardan turady ǵoı álem degen.
Búgingi bizge kelgen qonaqtarǵa,
Sabaǵymyz bastalsyn sálemmenen.
2 - oqýshy:
– Jaırańdaǵan jarandar,
Jan jaqqa kóp qarańdar.
Jolaýshyny soqpańdar!
3 - oqýshy:
Qyzyl, sary, jasyl
Bir ózinde úsh ot.
Qyzyl jansa, toqta!
Jasyl jansa, tez ót!
4 - oqýshy:
Tabamyn dep tóteni,
Qıyp ótpe kósheni.
Túsin muny qatem dep,
Túsin muny qater dep.
5 - oqýshy:
Dáp ortaǵa jetkenshe,
Sol jaǵyńa qarap al.
Jol ortadan ótkende,
Oń jaǵyńa qarap al,
Mashınalar joq pa eken?
6 - oqýshy:
Mashınaǵa qabysyp,
Syrǵanama jabysyp.
Bir jerińdi jaralap,
Maıyp bolyp qalasyń.
Kimge kiná taǵasyń,
Ata menen anańdy,
Sergeldeńge salasyń.
7 - oqýshy:
Qaýippenen oınama,
Ótemin dep oılama.
Shyqqanyńda kóshege,
Erip áke - shesheńe,
Kóńildi qoı syzyqqa.
8 - oqýshy:
Úlken - kishi qala bar.
Oı júgirtip qarap al,
Kóshe zańy tym qatal
Saq bolyńdar balalar!
9 - oqýshy:
Toqta dosym saýmysyń?
Toptan asqan dáýmisiń
Kóshe syryn bilmeseń
Kerden qaǵyp júrme sen!
Kósheniń bil tártibin!
10 - oqýshy:
Úlken joldyń ústinde,
Ámirshi de, kúshti de.
Baǵdarsham ekenin,
Este saqta dostarym!
Bul saqshynyń úsh kózdi
Úsh kózden, uq úsh sózdi
Ashsa bul, dáý úsh kózin
Toqta! Saqtan! Jol ashyq!
Topyrlama talasyp.
11 - oqýshy:
Bul degende komanda,
Baǵyna tur amanda.
Qyzyl kózin ashqanda,
Synyq súıem baspa alǵa!
Jasyl kózin ashqanda
Óte bergin jasqanba!
12 - oqýshy:
Úlken kishi qydyrmaq
Bolma bárin urynshaq!
Óńirdiń kóp syry bar
Túrli - túrli joly bar
Aǵaıyndar abaı bolyńdar!
Bári:
– Uly sózdi tyńdaımyz
Jol tártibin saqtaımyz!
3 - oıyn. «Kósheden durys ót» (úsh qatarǵa 2 oqýshydan qatysady).
- Bizdiń aýylda úlken kósheler bar, onda jol erejesin qalaı saqtaımyz? Saıa jol degenimiz ne?
– Jaıaý adamdar júretin jol.
– Jaıaý adamǵa qaı jermen júrýge bolmaıdy.
– Kólik júretin úlken jolmen júrýge bolmaıdy.