InfoHub Logo

"Almatydan sóılep turmyz. Qazaq radıosynda jańalyqtar". Dál osy sózderimen dál osy sózdermen qazaq radıosynyń sańlaq daýsy Saýyq Jaqanova 46 jyl boıy tyńdarmandardy qýantyp kelgen.

Iá, Qazaqstannyń eńbek sińirgen ártici, joǵary kategorıaly dıktor, «Qurmet» ordeniniń ıegeri, dosent Saýyq Jaqanova Másiǵutqyzy el biletin tanymal jan. «Qazaqtyń Levıtany» atanǵan Qazaqstannyń halyq ártisi Ánýarbek Baıjanbaevtyń mektebinen ótip, shákirti atanǵan Qazaq radıosynyń sandýǵashy Saýyq Jaqanova on jeti jasynan eńbekke aralasqan daryndy dıktor.  "Ýnıversıtet bitiretin jyly Qazaq radıosy konkýrs jarıalap, sol jerge baryp baǵymdy synadym. Mine, sol kezden men radıodaǵy jumysym bastalyp ketti"- deıdi keıipkerimiz bir suhbatynda.

Jarty ǵasyr dıktor bolyp qyzmet atqarǵan Saýyq Jaqanova  osy ýaqyt aralyǵynda oıǵa túıgenin, bul mamandyqtyń qadir-qasıetin bylaısha baǵalaıdy: «Radıo tyńdaýshyǵa dybystap oqý, sóıleý arqyly jetetin aqparat quraly bolǵandyqtan, birinshi dıktordyń  daýsyna mán beriledi.  Halyqtyń túsiniginde dıktordyń radıodaǵy alatyn orny óte joǵary boldy.

"Reaksıasy, alǵyrlyǵy, qabyldaýy óte keremet edi. Saýyq bes aspap. Sońǵy zabarlardy oqıdy. Bes mınýttan soń balalar redaksıasynyń habary tosyp turady. Kóńil kúıdi dem arada beıimdep úlgeretin. Qazir bala bolady , endi bir jarty saǵattan keıin ádebı habardy bere me, onyń ishi tógilgen ishki sezimge tolǵan. Mátinge qalaı kirip ketkenin baıqamaı qalasyń. Daýysy birden ózgeredi." - dep Saýyq hanymnyń áriptesteri ol kisiniń týma daryn ekenin alǵa tartady.

Meırbek Baıan Muratbekqyzy

Sondaı áserli ýaqyttyń birin qazaq ádebıetiniń kórnekti jazýshysy, belgili aqyn Keńshilik Myrzabekov bylaısha jyrǵa qosqan eken. Árıne, bul jyr dıktor Saýyq Jaqanovaǵa arnalypty:
                         Sońǵy habar
         Saýyq dıktor oqıdy sońǵy habar,
         Ne aıtar eken, ıapyr-aı, men qýanar.
         Men qýanar, menimen el qýanar,
         Saýyq dıktor oqıdy sońǵy habar.
         Bir jańalyq aıtady Saýyq qazir,
         Qýanyshqa bolamyz qaryq qazir,
         Saýyq dıktor, sen netken baqyttysyń,
         Daýysyńdy tanıdy halyq qazir.
         Daýysyńdy tanıdy halyq qazir,
         Daýysyńa qýanyp qalyp ta júr.
         Án aıtpadym deme sen, án aıtpaı-aq qoı,
         Ataqtysyń talaıdan anyq qazir.
         Tirshiliktiń júrekte máńgi janar,
         Oty óshkende - kútesiń sońǵy habar.
         Saýyq dıktor oqıdy sońǵy habar,
         Ne aıtar eken, ıapyraı, men qýanar,
         Menimenen birlesip el qýanar.

Qara sózdiń qasıetin qadirlep, áýezdi únin áýelete bilgen tabıǵı talanty men kásibı sheberligi ushtasqan S. Jaqanova JOO stýdentterine arnap "Sóıleý tehnıkasy", "Júrgizýshiniń sóıleý mádenıeti" kitaptaryn jazǵan.

Eline eńbegimen súıkimdi bola bilgen Saýyq Jaqan Másiǵutqyzynyń Qazaq radıosynyń «Altyn qorynda» saqtalǵan tamasha úni keler ǵasyrǵa jeter qundylyǵymen erekshe. Ol kisiniń tárbıelegen ónerli shákirtteri «ustazymyz  Saýyq Jaqanova» dep árkez maqtanysh etedi.

 

Meırbek Baıan Muratbekqyzy

Ál-Farabı atyndaǵy Qazaq Ulttyq Ýnıversıteti

Jýrnalısıka fakúlteti

1 kýrs

 

---