InfoHub Logo

Álemniń uly tulǵalarynyń qanatty sózderi mıllıondaǵan adamdardyń ómirde ustanatyn erejesi boldy. Sebebi olardyń istegen isteri, eńbekteriniń qoǵamdaǵy bedeli óte joǵary. Qazaq ádebıetinde de uly eńbekter jazǵan uly jazýshylar jeterlik. Olardy da umytpaǵanymyz jón.        

...Túsinbeımin...Qara borbaı kedeıler teńdik alsyn. Birdeılik ornasyn. Biraq, bátir-aý, osy halyqtyń kıer kıimi, isher asy birdeı bolǵanmen, qulqy birdeı bola ma? (s) Ábdijámil Nurpeıisov,  "Kúıreý" romany.

Kóter qane basyńdy, qalaı bunyń?!

Muz bop erip ketken be bar aıbynyń?!

Kóter qane basyńdy!

Kúnińdi bosqa ótkizip pe ediń?

Taǵdyr nege syr aıtty sary-aý,

Ómirdiń barlyq sátsizdikterin

Baqytsyzdyq - dep kim aıtty saǵan?!

Kim aıtty saǵan?!

Tulpardy súrinbeıdi dep,

Asaýdy minilmeıdi dep,

Aq kóılek kirlemeıdi dep,

Qara eshki mújigen aǵash qaıtadan gúldemeıdi dep. (s) Muhtar Shahanov.

Adamnyń shyn maǵynasymen "Adam" bolýy úshin ózin súıý, jaqyndaryn súıýmen qanaǵattanbaıdy, jalpy adamzatty súıýi shart. (s) Maǵjan Jumabaev.

Osy ómirden basqa ómir joq bolatyn bolsa, jaralyspen jaǵalasyp, adamdarmen arpalysyp ómir súrgenshe, jasamaǵan artyq emes pe?

Ótirikten tilin tıa almaǵan adam aramdyqtan yndynyn tıa almas. (s) Shákárim Qudaıberdiuly.

Baǵalaı bilmegenge baq qonbaıdy, 
Qýana bilmegenge qut qonbaıdy. (s) Ábish Kekilbaev.

Oqysa bilim bulaǵy, 
Oqysa eldiń ulany,—
Tiriltip, elge jan bitip,
Eli úshin jumaq qylady. (s) Beıimbet Maılın.

Adamnyń kóńili shyn meıirlense, bilim-ǵylymnyń ózi de adamǵa meıirlenip, tez qolǵa túsedi. Shala meıir shala baıqaıdy. 

Erinshektik - kúlli dúnıedegi ónerdiń dushpany. Talapsyzdyq jigersizdik, uıatsyzdyq, kedeılik - bári sodan shyǵady. Burynǵy ata-babalarymyzdyń bul zamandaǵylardan artyq eki minezi bar eken: el basy, top basylaryna toqtaı biletindigi men namysqoılyǵy. Qazaqqa aqyl berem, túzeımin dep qam jegen adamǵa eki túrli nárse kerek: birinshisi - zor bılik, ekinshisi - esepsiz baılyq. (s) Abaı.

Ádebıet - ulttyń jany. Ulttyq sana, taǵdyr, jan júıesi - kórkemónerdiń basty taqyryby. Taptyq jik arqyly ádebıet jasalmaıdy. (s) Júsipbek Aımaýytov.

 

Qazaqtyń qasıetin taný - Abaıdy tanýdan bastalmaq. Halqymyzdyń sóz ónerin zerdeleý - Abaı taǵylymyn baǵamdaýdan baıqalmaq. Abaı - qazaq tarıhyndaǵy qaıtalanbas som tulǵa. Abaı bıigi - halqymyzdyń kórkemdik oı-tanymynda eshkim jetpegen zańǵar. (s) Muhtar Maǵaýın.

Jaqsylyq jolynda kele jatyp jaman ádet kórsetpe. (s) Sábıt Muqanov.

Dúnıede áıeldiń kózinen artyq qyzyqtyra alatyn, áıeldiń kózinen artyq sıqyrlap tartyp kete alatyn kúsh joq qoı deımin. Baılyq, baq, mansap, tipti qoǵamdyq dáreje degenderdiń birde-birinde ondaı kúsh joq. Bári birge qosaqtalyp kelip moınyma asyla ketse, men bárin silkip tastap, oqtaı qadalǵan áıel kózine qaraı júre berer edim. (s) Ǵabıt Músirepov.