Tarazda robototehnıka oqý-zerthanalary ashyldy
Taraz memlekettik pedagogıkalyq ınstıtýtynda robototehnıka oqý-zerthanalary ashyldy. «Robototehnıka», «Mekteptegi robototehnıka» dárishanalary 50 dana Lego, Tetrix jáne Arduino robottarymen, oqý-ádistemelik jáne baǵdarlamalyq nusqaýlyqtarmen jabdyqtalǵan, dep habarlaıdy TarMPI Aqparattyq-ımıdjdik qyzmeti.
Instıtýttyń Fızıka-matematıka fakúltetinde stýdentter men mektep oqýshylarynyń robototehnıka boıynsha ǵylymı-tehnıkalyq shyǵarmashylyq qabiletterin damytý maqsatynda «Informatıka jáne esepteý tehnıkasy», «Matematıka jáne matematıkany oqytý ádistemesi» jáne «Fızıka jáne fızıkany oqytý ádistemesi» kafedralarynda «Elektrotehnıka», «Radıotehnıka», «Elektronıka negizderi» jáne «Mekteptegi robototehnıka» oqý-zerthanalary jumys isteıdi.
Sonymen qatar, fakúltettiń Jambyl oblysyndaǵy orta jáne arnaıy mektepterindegi ınformatıka páni muǵalimderiniń robototehnıka, elektronıka negizderi men radıotehnıka pánderi boıynsha biliktiligin kóterýge arnalǵan materıaldyq jáne resýrstyq bazalary bar.
Marwin brendimen jetkiziletin robot jasaýǵa arnalǵan jıyntyqtar arqyly stýdentter teorıa men tájirıbeni ushtastyra alady. Sondaı-aq, zamanaýı quraldy tereń meńgere túsedi.
You Might Also Like
-
Álemniń uly tulǵalarynyń qanatty sózderi mıllıondaǵan adamdardyń ómirde ustanatyn erejesi boldy. Sebebi olardyń istegen isteri, eńbekteriniń qoǵamdaǵy bedeli óte joǵary. Qazaq ádebıetinde de uly eń...
