Pavlodarda respýblıkalyq konferensıaǵa 12 myńnan asa ata-ana qatysty
Ertis óńiriniń mektepterinde «HHİ ǵasyrdyń qazaqstandyq ata-analary: «Óz balańa úlgi bol!» taqyrybynda ótken respýblıkalyq konferensıaǵa 12 myńnan asa ata-ana qatysty, dep habarlaıdy Bnews.kz tilshisi.
Otbasy kúni aıasynda uıymdastyrylǵan shara oblystyń 389 mektebinde ótti. Ata-analar men psıhologtar oblys ortalyǵyndaǵy №16 mektepte bas qosty. Óńirdegi bilim basqarmasy basshysynyń orynbasary Ernur Dáýenovtiń málimetinshe, aksıaǵa oblystyń barlyq mektepteri jappaı qatysyp, belsendilik tanytqan.
«Byltyr ata-analar konferensıasyna oblystyń birneshe mektebi ǵana qatyssa, bıyl barlyq bilim oshaǵy qamtylyp otyr. Mektep tabaldyryǵyn alǵash attaǵan búldirshinderdiń ata-analaryna basa nazar aýdarylyp, pedagogıkalyq jáne psıhologıalyq kómek kórsetýge tyrystyq», - deıdi Ernur Dáýenov.
Aýqymdy sharaǵa QR BǴM ókili, Astana qalasy otbasy tárbıesi ortalyǵynyń jetekshisi Aınur Ómirova qatysty. Maman birinshi synypta oqıtyn balǵyndardyń ata-analaryna tushymdy keńes berip, suraqtaryna jaýap berdi.
Aınur Ómirovanyń aıtýynsha, qazirgi tańda ata-analardyń kóbi jumysqa berilgen, sol sebepti bala men ata-ana arasyndaǵy qarym-qatynas qıyndaı túsetini anyq.
«Mektep tabaldyryǵyn alǵash attaǵan ul-qyzdarǵa psıhologıalyq qoldaý aýadaı qajet. Oqý úrdisine beıimdelý kezinde balalarǵa kóńil bólý kerek. Balalar mektepke baryp júrgen kezde úreılenip, qorqýy da múmkin. Sondyqtan, bizdiń basty maqsat – balalar men ata-analarǵa keńes berip, qoldaý kórsetý. Máselen, Astanadaǵy otbasy tárbıesi mektebine kúnbe kún 25 ata-ana keledi. Biz olarǵa balany bilim alýǵa baýlý, qorqynyshtaryn jeńý sıaqty keńesimizdi aıtamyz», - deıdi Aınur Ómirova.
Ortalyq jetekshisiniń aıtýynsha, qazirgi tańda ata-analar balanyń psıhologıasyna áser etýdiń qarapaıym tehnıkalarynan beıhabar. Sol sebepti mektep psıhologtarynyń kómegine júgingen abzal.
Aıta keteıik, bıylǵy jańa oqý jylynda Pavlodar oblysynda 12 myń 750 ul-qyz mektep tabaldyryǵyn attady. Jalpy, mektepterde 97 myńnan astam oqýshy bilim alady, bul – byltyrǵyǵa qaraǵanda 5 myń balaǵa artyq.
Bilim berý vedomsvosynyń aqparatynsha, óńirde psıholog mamandar jetkilikti.
You Might Also Like
-
Sońǵy ýaqytta muǵalim bolǵysy keletinderdiń qatary sırep barady. Bilikti pedagogtardyń tapshylyǵy aýylda ǵana emes, qalada da aıqyn ańǵaryla bastady, dep jazady «Túrkistan» gazeti.
